anketa

          futboll

 
"të përgatit për jetën"!
 

---

Kristçurç – Kryeministri i Zelandës së Re, John Key, thotë se tërmeti i së shtunës ka dëmtuar pothuajse dy të tretat e 160 mijë shtëpive që ndodhen në qytetin Kristçurç.

Jerusalem - Ministri izraelit i Punëve të Jashtme, Avigdor Lieberman theksoi sot se do të pengojë çdo zgjatje të ndërprerjes së pjesshme të kolonizimit në Cisjordaninë e pushtuar. Afati i ndërprerjes aktuale përfundon më 26 shtator.

Romë – Kryetari i Bashkisë së Pollicasnës në afërsi të Salernos u vra mbrëmjen e djeshme me armë zjarri. Angelo Vassallo, 57 vjeç, u sulmua me breshëri plumbash teksa ndodhej në makinën e tij.

Moskë - Izraeli, i cili përpiqet të pengojë Rusinë ti shesë armë vendeve të Lindjes së Mesme si Irani dhe Siria, nënshkroi një marrëveshje me Moskën për thellim të bashkëpunimit ushtarak.

Kajro - Një avion i kompanisë ajrore ´´Egypt Air´´, i nisur nga Aleksandria për në Dubai, kreu ulje emergjente në aeroportin e Kajros.

Londër – Pas përfundimit pa sukses të bisedimeve mes sindikatave të punëtorëve dhe kontrolluesit të metrove, Transport për Londrën (TFL), punonjësit e metrove hynë sot në mëngjes në grevë. Greva do të zgjasë 24 orë.

Paris – Punëtorët dhe nëpunësit civilë francezë nesër do të zhvillojnë një grevë të përgjithshme një ditore, në shenjë proteste ndaj reformës së pensioneve.

Doha - Presidenti iranian, Mahmud Ahmadinexhat, deklaroi sot nga Katari se çdo sulm kundër Iranit do të çojë në çrrënjosjen e entitetit sionist në Lindjen e Mesme.

Jerusalem – Zëdhënësi i Presidentit të Autoritetit palestinez raportohet se ka kritikuar Presidentin iranian, Mahmud Ahmadinexhat, për deklaratën e tij ku thotë se “bisedimet izraelito-palestineze kanë vdekur ende pa lindur”.

Guatemala Siti - Autoritetet vendase raportojnë se të paktën 38 persona humbën jetën nga rrëshqitjet e tokës të shkaktuara nga reshjet e dendura. Viktimat po përpiqeshin të nxirrnin nga dheu një autobus, kur një tjetër masiv dheu i mbuloi të gjithë.

Kinshasa - Dhjetëra persona kanë humbur jetën në Republikën Demokratike të Kongos pas mbytjes së dy anijeve në dy incidente të ndara.

Jerusalem – Negociatorët izraelitë dhe palestinezë kanë rënë dakord që raundin e ardhshëm të bisedimeve për paqe ta mbajnë në Jerusalem.

Madrid – Qeveria spanjolle dhe qeveria rajonale në territoret baske e cilësuan si të “pamjaftueshme” deklaratën e ETA-s për armëpushim. Ata kërkuan që ETA t’i japë fund përfundimisht veprimeve të dhunshme dhe akteve terroriste.

Berlin - Koalicioni qeverisës ka rënë dakord për një zgjatje të afatit kohor për një mesatare prej 12 vjetësh për centralet atomike gjermane.

analistët

Forum

Më Të Lexuarat e Ditës

Më Të Lexuarat e Javës