Gazeta Start - Rama nderon sopranon Ermonela Jaho
facebook
twitter
rss
E Hënë,   27 Prill 2015
Rama nderon sopranon Ermonela Jaho
2014.04.05 - 14:04   
 
Në një ceremoni të veçantë në ambientet e Kryeministrisë, është nderuar me medaljen ekskluzive, sopranoja e famshme shqiptare Ermonela Jaho.  

Në ceremoni ishin të pranishëm Kryeministri Edi Rama, Ministrja e Kulturës Mirela Kumbaro, si dhe personalitete të njohura të artit dhe kulturës.

Kryeministri Rama tha se Shqipëria është me fat që ka një ambasadore të tillë, të cilën do ta kishte zili çdo vend i botës. “Ambasadore që na bën krenarë dhe na jep besim dhe kurajo, për të bërë të pamundurën që edhe zëri i Shqipërisë të tingëllojë bukur në Europë”.

Në fjalën e mbajtur, ministrja e kulturës e falënderoi sopranon për kontributin e saj në artin shqiptar. “Kam një përulje të thellë për artistët që bëjnë art në këtë vend edhe pse ky vend nuk u jep atyre atë që ata meritojnë. Për një kulturë të re të artit larg banalitetit, asnjë drejtues i vetëm apo artist nuk mund ta mbajë gjallë suksesin nëse nuk ndryshon kjo frymë pozitiviste. Skenën shqiptare ti e ke fituar kur e ke fituar në skena të mëdha, ku vetëm talenti dhe puna të japin armën më ë fortë në skenë”.

Në fjalën përshëndetëse vet Ermonela u shpreh: “Është një surprizë që nuk gjej fjalët për të përshkruar, dua vetëm të falënderoj të gjithë pjesëmarrësit, zotin kryeministër. Ndihem shumë e nderuar. Nuk ka emocion më të madh dhe kënaqësi kur ndihesh e rrethuar me dashuri dhe vlerësim. Mendoj se vlerësimi për njëri-tjetrin është çelësi i suksesit. Këtë gjë e kam provuar me ardhjen time këtu. Gjithmonë kemi menduar, që e kemi të vështirë të bashkëpunojmë me njëri-tjetrin ne shqiptarët, por në momentin që ne vëmë çelësin e zemrave, ne bëjmë mrekullira. Ky është hapi i parë i detyrës që një artist duhet të bëjë për vendin e tij”.

Ermonela Jaho është një ndër zërat më të mëdhenj të operistikës botërore. Ajo u rikthye pas 7 vitesh në skenën shqiptare, për interpretimin e operës “Madama Butterfly”.

/Start/E.SH/



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Reali mendon ta blejë përfundimisht Hernandezin
Kujdes! Edhe majmunët rebelohet (Video)
“Lumia” shton në buxhetin e Microsoftit 1.4 milionë dollarë
Aloe vera, bima e shëndetit
Lidhja e mrekullueshme mes nënës dhe fëmijës
Nëna
Kukësi shkarkon Shaqirin
Kur zebrat dalin ‘shëtitje’ shkaktojnë kaos (Foto/Video)
Modiano: Harresa. E shkuara? Është vendi i krimit
Op / Ed
Lajmi i fundit
 Forum
Ti je një thesar! Ti je vetë një thesar! Nuk ke nevojë ta thotë dikush apo të të vlerësojë dikush tjetër. Nëse thesari yt është mbuluar me pluhur merr një leckë të butë dhe pastroje, fshije mirë dhe shkëlqeje. »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Terenc Toçi dhe qeveria e përkohshme shqiptare e 26 prillit 1911 Terenc Toçi ishte dhe mbetet një nga personalitetet më të njohur shqiptarë të arbëreshëve të Italisë. Ai u lind më 9 mars 1880 në një provincë të Kozencës. Që në moshë të re, Terenc Toçi u aktivizua n »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.