• Mendoni se negociatat e reja maxhorance-opozite do t´i japin fund krizes?

PO

JO

Ndoshta

Se di

[ Rezultate ]

Altin Lala shpreson të rikthehet në shtator

Mesfushori i kombëtares shqiptare dhe ish-kapiteni i Hanoverit, Altin Lala, shpreson t’u rikthehet fushave në muajin shtator, pas dëmtimit që pësoi në sezonin e shkuar.

34-vjeçari rinovoi edhe për një vit kontratën me klubin gjerman të Hanoverit ku luan prej vitit 1998. Me marrëveshjen e re mesfushori vendos rekord pasi bëhet i pari lojtar që luan për 13 sezone rresht me Hanoverin. Ai ka mbajtur edhe shiritin e kapitenit dhe është një nga emblemat e ekipit që luan në elitën e futbollit gjerman.

Deri tani Lala numëron 161 takime me fanellën e Hanoverit, por në sezonin e shkuar u aktivizua vetëm 12 herë për shkak të dëmtimeve të shpeshta. Gjithashtu, 34-vjeçari është kapiten i kombëtares kuqezi, me të cilën ka luajtur 71 ndeshje. Vetëm dy takime e ndajnë Lalën nga rekordi i Foto Strakoshës.

Në shtator, përfaqësuesja shqiptare do të zhvillojë dy sfida të rëndësishme për eleminatoret e Kampionatit Evropian 2012. Kuqezinjtë do të luajnë ndaj Rumanisë dhe Luksemburgut dhe Lala pritet të jetë një forcë me tepër në mesfushën e trajnerit Josip Kuzhe.



                                                                                             2010-07-30 15:07
   

[        Vendos në Facebook ]