• Mendoni se negociatat e reja maxhorance-opozite do t´i japin fund krizes?

PO

JO

Ndoshta

Se di

[ Rezultate ]

Dështimi në botëror, e pëson kombëtarja koreanoveriore

“Çnderim publik” për kombëtaren e Koresë së Veriut, pas paraqitjes së dobët në kampionatin botëror e sidomos pas humbjes 7-0 kundër Portugalisë në grup.

“Paaftësi në ndjekjen e udhëzimeve të ‘udhëheqësit të dashur’ Kim Jong-il”, shkruan sot e përditshmja koreanojugore Chosun Ilbo. Sipas gazetës, trajneri Kim Jong-hun u “përjashtua nga Partia Komuniste dhe u dërgua të punojë në një kantier ndërtimi në Poyongyang”.

Gjithashtu, e gjithë skuadra u detyrua të qëndrojë në këmbë gjithë ditën në datën 2 korrik, në shkallët e Pallatit të Kulturës Popullore. Kjo ndodhi vetëm tre ditë pas kthimit nga Afrika e Jugut dhe po ashtu kombëtarja iu nënshtrua një kritike të ashpër ideologjike prej gjashtë orësh.

Të vetmit që i shpëtuan procesit ishin dy futbollistët lindur dhe banues në Japoni, An Yong-hak dhe Jong Tae-se. Ky i fundit u përlot në momentin e ekzekutimit të himnit kombëtar para ndeshjes me Brazilin. Rreth 400 funksionarë, mes të cilëve ministri i Partisë së Punëtorëve dhe ministri i Sportit, Park Myong-chol, sportistë të tjerë si dhe studentë morën pjesë në kritikën publike.

Ndërkohë, komentatorit sportiv të televizionit publik iu besua detyra e leximit një për një të gabimeve të secilit prej lojtarëve. Sipas radios Azia e Lirë, në fund lojtarët kritikuan trajnerin.



                                                                                             2010-07-29 17:25
   

[        Vendos në Facebook ]