• Mendoni se negociatat e reja maxhorance-opozite do t´i japin fund krizes?

PO

JO

Ndoshta

Se di

[ Rezultate ]

BE, rezolutë pro Kosovës

Bruksel – Bashkimi Evropian i është kundërpërgjigjur rezolutës së Serbisë me anë të një tjetër rezolute ku kërkohet që Asambleja e Përgjithshme e OKB-së të pranojë vendimin e GJND-së për Kosovën.

E përditshmja kosovare “Express” raporton sot se nga Zyra e Përfaqësueses së Lartë të BE-së, Katherin Eshton, ka qarkulluar një projektrezolutë për Kosovën te të gjitha misionet diplomatike të shteteve të BE-së në OKB. Për këtë aksion të Brukselit është njoftuar edhe qeveria e SHBA-ve.

Bashkimi Evropian propozon që Asambleja e Përgjithshme të aprovojë opinionin e GJND-së i cili thotë se shpallja e pavarësisë së Kosovës nuk ka qenë në kundërshtim me të drejtën ndërkombëtare. Gjithashtu rezoluta evropiane inkurajon palët të hyjnë në bisedime por duke përjashtuar çështjen e statusit të Kosovës.

Burime diplomatike kanë thënë se misioneve të përhershme të shteteve të BE-së në Kombet e Bashkuara u është dhënë disa ditë kohë për t’iu përgjigjur rezolutës. Ndërkaq, sa i përket tekstit të rezolutës serbe, që në mënyrë të tërthortë bën thirrje për bisedime për statusin e Kosovës, mediat në Beograd kanë raportuar se diplomacia evropiane i ka bërë të ditur Serbisë se kjo rezolutë është plotësisht e papranueshme.



                                                                                             2010-07-30 14:12
   

[        Vendos në Facebook ]