• Mendoni se negociatat e reja maxhorance-opozite do t´i japin fund krizes?

PO

JO

Ndoshta

Se di

[ Rezultate ]

Provimet e maturantëve, zbulohen kopjime masive

Tiranë – Vonesat e shumta në shpërndarjen e notave për maturantët në shuma shkolla të vendit, duket se kanë pasur një shkak dhe kjo jo për faj të autoriteteve të kontrollit të testeve.

Sipas Ministrisë së Arsimit, dyshohet për kopje masive gjatë zhvillimit të provimit.

Sipas tyre, disa mësues kanë shpërndarë teza të gatshme për dhjetëra nxënës dhe pikërisht këto raste kanë nisur hetimet. Megjithatë, për zyrtarët e MASH, nuk është problem kopjet që maturantët kanë bërë me njëri-tjetrin.

Gjatë korrigjimeve janë vënë re përgjigje të njëjta të shumë nxënësve dhë për këtë ka pasur edhe penalizime, pasi u janë ulur pikët në test.

Ndërkohë, për mësuesit do të ketë të tjera penalizime. Sipas Ministrisë së Arsimit, ka ende dhjetëra maturantë që nuk kanë marrë përgjigjet e provimit me zgjedhje. Ende nuk dihet se si do të veprohet më tej, kur kanë mbetur edhe 5 ditë që maturantët do të duhen të plotësojnë formularin e aplimit për në universitetet publike.


                                                                                             2010-07-30 16:09
   

[        Vendos në Facebook ]