• Mendoni se negociatat e reja maxhorance-opozite do t´i japin fund krizes?

PO

JO

Ndoshta

Se di

[ Rezultate ]

Ish-agjentë të STAS ruajnë rezidencën e ... Merkelit!

Berlin - Dy nga policët e ngarkuar me ruajtjen e banesës së dytë të kancelares Angela Merkel pranë Berlinit janë ish-oficerë të policisë sekrete të Gjermanisë Lindore, STAS-i, sipas një hetimi të televizionit gjerman.

Këta policë i përkasin sot njësisë së ngarkuar me mbrojtjen e përhershme të shtëpisë së vogël së kancelares në Uckermark, një zonë fshatare në veri të Berlinit, sipas kanalit televiziv ARD.

Njëri prej tyre i përkiste Divizionit III të Sigurimit të Lindjes (STAS) të RDGj-së, i ngarkuar veçanërisht me mbikëqyrjen e komunikimeve telefonike në Gjermaninë perëndimore, sipas këtij hetimi.

Një numër i përgjithshëm prej 100 ish-anëtarësh të policisë së dyshuar sekrete janë kthyer në policë të shtetit rajonal të Brandeburgut, ku ndodhet Uckermark, sipas ARD.

Merkel është rritur në RDGJ, një shtet që u zhduk me ribashkimin e Gjermanisë në 1990, një vit pas rënies së Murit të Berlinit.

Afro 175 000 persona kanë bashkëpunuar me raste me STAS-in, ndërsa 91 000 të tjerë ishin punonjës me kohë të plotë.

Afro 180 kilometra dosje mundën të ruheshin pas rënies së Murit të Berlinit, ose 4 milionë dosje, për një popullsi gjermanolindore prej 17 milionë banorësh.


                                                                                             2009-07-03 12:45
   

[        Vendos në Facebook ]