facebook
twitter
rss
E Diel,   21 Shtator 2014
Përgjysmohen taksat e makinave të përdorura
2013.04.08 - 08:44   
 
Tiranë – Në mbledhjen e së mërkurës të qeverisë pritet të miratohet vendimi për përgjysmimin e taksave të automjeteve.  

Kjo bëhet e ditur nga ministri i Financave, Ridvan Bode, i cili thotë se vendimi do të hyjë në fuqi në muajin maj ose në fillim të qershorit. Sipas Bodes, ky vendim për përgjysmimin e taksave vjetore të makinave të përdorura ka një efekt prej 2.5 miliardë lekësh në buxhetin e shtetit.

“Ndryshimi i parë është ai propozuar në nenin 4, pika 3, në ligjit i cili konsiston konkretisht në përgjysmimin e masës së taksës, ndryshimin e vlefshmërisë së saj dhe detyrimin për pagimin në kohë të saj. Kështu, përgjysmimi i taksës fikse për të dy llojet e karburanteve respektivisht nga 25 lekë në 12.5 lekë për naftën dhe nga 20 lekë në 10 lekë për benzinën, bën të mundur përgjysmimin e taksës vjetore të mjeteve të përdorura që pronari i mjetit paguan. Aktualisht taksa e automjeteve të përdorura është vjetore dhe vlen për vitin kalendarik në të cilin ajo paguhet. Ndryshimi i propozuar bën të mundur që vlefshmëria e taksës të bëhet 365 ditë, e njëjtë me afatin e siguracionit të mjetit TPL dhe me afatin e vlefshmërisë së Kontrollit Teknik Vjetor “, sqaron Bode.

Por krahas kësaj, janë parashikuar edhe penalitete për të gjithë ata që nuk kryejnë pagesën e kësaj takse. “Janë parashikuar gjithashtu penalitete për pronarët e mjeteve, të cilët nuk kryejnë pagesën e kësaj takse brenda 10 ditëve nga mbarimi i afatit të vlefshmërisë së parashikuar, në masën 5% të shumës së papaguar të çdo muaji, por jo më shumë se 25% për çdo vit. Në nenin 2 të projektligjit bëhet një ndryshim në nenin 9 “Përjashtimet nga pagimi i taksave kombëtare”, ku konkretisht pas pikës 1, shtohet një pikë e re e cila parashikon falen e të gjitha detyrimeve të prapambetura të taksës vjetore të qarkullimit rrugor për mjetet e sekuestruara apo të konfiskuara me vendim të formës së prerë të Gjykatës, të cilat i kalojnë në administrim Agjencisë së Administrimit të Pasurive të Sekuestruara dhe Konfiskuara për qëllime përdorimi apo rishitje”, sqaron Bode në faqen e tij në Facebook.

“Në dispozitat kalimtare është parashikuar që pas datës së hyrjes në fuqi të këtij ligji, të gjithë pronarët e mjeteve që nuk kanë paguar taksën vjetore të mjeteve të përdorura për vitin 2013, pavarësisht kur e kanë pasur datën e pagesës së taksës, do të paguajnë sipas këtij ligji . Aplikimi i penalitetit për vonesë në pagesën e taksave, për të gjitha mjetet që u ka kaluar afati i vlefshmërisë së taksave pavarësisht kur e kanë kryer pagesën e taksave, do të fillojë nga data 1 janar 2014. E kam deklaruar dhe me pare qeverisja e Partisë Demokratike nuk do te rrite asnjë taksë dhe kjo nuk diskutohet”, përfundon ai.

 



     
  Komento këtë Lajm!   
  Emri*   
  Qyteti   
  Përmbajtja e komentit*   
  Kodi*     
 
Sqarim: Njoftojmë të gjithë lexuesit tanë se komentet të cilat përmbajnë fjalor ofendues, antikombëtar, antifetar, përçarës NUK DO TË PUBLIKOHEN!!!
     
Lajme të ndryshme
Supergol nga 83 metra në Bundesligë
Të luash me anakondën 10-metërshe (Video)
Nuk kalojnë testin, “iPhone 6”-ës dhe “iPhone 6 Plus”-it u thyhet ekrani (video)
Mbroni fëmijët nga obeziteti me anë të “lojës”
Më thonë të mësoj, por nuk më tregojnë se si
Rekordi në ngritjen me gishta të vegjël
Arsenalit i mjaftojnë 4 minuta për tri pikë
Qeni përqafon të zotin (video)
Artan Fuga: Mediat sociale përcjellin dije
Analistët
Lajmi i fundit
 Forum
Fethullah Gylen: “Egërsitë e ISIS duhet të gjykohen sa më ashpër” Fethullah Gylen, në një deklaratë dhënë gazetave kryesore amerikane ditën e djeshme, shprehu hidhërimin e… »»
 Eseistikë
Përkthimi - mes tradhtisë dhe krijimtarisë Ja pse një përkthyes mund të jetë edhe tradhtar, jo sepse e kthen apo e transformon veprën përmes gjuhës (që mbetet një premisë tjetërsimi), por, mbi të gjitha, sepse krijon një kopje, e cila bëhet sh »»
 Dossier
Projektligji i Këshillit Kombëtar në vitin 1922 për duhanin, alkoolin, bixhozin dhe homoseksualietetin (I) Në nëntor të vitit 1922, një nga problematikat që u shtrua për diskutim në Këshillin Kombëtar ishte edhe “projektligji për të ruajtur moralin e moshës së re”. »»
Abonohu
Email
(*) Abonohuni këtu nëpërmjet emailit tuaj për të lexuar lajmet kryesore të ditës.

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.