Gazeta Start - Belbëzimi tek fëmijët
facebook
twitter
rss
E Diel,   26 Prill 2015
Belbëzimi tek fëmijët
2012.12.05 - 16:24   
 
Belbëzimi i shfaqur më shpesh tek fëmijët se tek të rriturit mund të kalojë vetvetiu. Por, ne nuk mund të parashikojmë se tek cilët fëmijë do të kalojë vetvetiu dhe tek cilët mund të mbesë për gjatë gjithë jetës.  

Më poshtë do t’i japim përgjigje disa pyetjeve në lidhje me belbëzimin:

Çfarë është belbëzimi?

Belbëzim quhet çrregullimi i rrjedhshmërisë së të folurit, mos-nxjerrja fare e zërit, zgjatja e tepruar e disa tingujve, përsëritje e shkronjave ( tttt-topi), rrokjeve (ma-ma-ma- mace) apo fjalëve (unë-unë-unë).

Sigurisht që për të përcaktuar më mire belbëzimin apo jo të fëmijës duhet që ky faktor të ndikojë në komunikimin e tij me të tjerët. Problemi është i ndryshueshëm. Ndonjëherë njeriu mund të belbëzojë edhe duke folur rrjedhshëm. Graviteti i problemit mund të ndryshojë me kalimin e kohës.
 
Kur shfaqet belbëzimi?

Belbëzimi shfaqet tek grupmoshat 1,5 - 12 vjeç por rastet më të shpeshta janë mes 2 - 5 vjeç.

A ekziston ndonjë shkak i veçantë i shfaqjes  së tij?
 
Në të kundërt të asaj që thuhet belbëzimi nuk lind si pasojë e një traume psikologjike. Nëse ka ndonjë faktor gjenetik kjo mund ta nxisë.
 
Pse fëmijët belbëzojnë?

Ka shumë të dhëna të cilat tregojnë se faktorët gjenetikë, neurofiziologjikë, zhvillues dhe të ambientit ndikojnë në shfaqjen e belbëzimit. 

Megjithëse belbëzimi mund të shfaqet rrallë ai mund të shfaqet edhe si pasojë e një dëmtimi neurologjik...
 
A ndikon seksi i fëmijës në shfaqjen e belbëzimit?

Po. Belbëzimi shfaqet më shumë tek djemtë se vajzat në një mesatare 4/1.
 
A mund të kalojë vetvetiu?

Belbëzimi mund të shfaqet tek fëmijë të moshës 2-3 vjeç me aftësi të zhvilluara gjuhe por të cilët nuk kanë përparuar në përfitimin e mekanizmit të gjuhës. Ky problem mund të kalojë me kalimin e kohës nëse mekanizmi i të folurit  arrin në të njëjtin nivel me aftësitë e gjuhës. Por mjekët nuk mund të parashikojnë më pare se tek cilët fëmijë do të kalojë vetvetiu dhe tek cilët jo.

Ku duhet vizituar fëmija nëse belbëzon?
 
Për të filluar kurimin e belbëzimit prindërit duhet të kontaktojnë një specialist të çrregullimeve të gjuhës dhe të folurit.
 
Çfarë u këshillojmë familjeve që kanë fëmijë belbëzues?

Mos u përpiqni të rregulloni dhe kritikoni të folurën e fëmijës. Mos e kërcënoni të flasë ngadalë apo më me rregull. Mos ia plotësoni fjalët në vend të tij. Përpiquni të mos ia pasqyroni shqetësimin dhe ankthin tuaj rreth këtij problemi. Kontaktoni një mjek specialist. Specialisti mund t’ju sugjerojë pritjen ose ndërhyrjen e menjëhershme në varësi të rastit. Veçanërisht fëmijët të cilët e kanë kuptuar problemin, refuzojnë të flasin, ndryshojnë fjalët për të mos belbëzuar dhe sforcohen shumë kur flasin duhet të vizitohen menjëherë tek një mjek specialist. Ndërhyrja e menjëhershme dhe pa humbur kohë është shumë e rëndësishme nëse marrim parasysh faktin se belbëzimi mund të kalojë vetvetiu pa u kthyer në gjendje kronike. Sa më herët që të fillojë terapia aq më të larta do të jenë rezultatet e arrira.

/Start/Aisa Kokiçi/



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Atletiko rigjen buzëqeshjen në kampionat
Indi, lind foshnja me tetë gjymtyrë
Hidhet në treg smarfoni më i fortë “Turing Phone” (Foto)
Graviola lufton qelizat kancerogjene
Edukimi i adoleshentit
Nëna
Bie Milani, Evropa edhe më larg
Vendet më të lumtura në botë, ja ku ndodhet Shqipëria
Modiano: Harresa. E shkuara? Është vendi i krimit
Op / Ed
Lajmi i fundit
 Forum
Ti je një thesar! Ti je vetë një thesar! Nuk ke nevojë ta thotë dikush apo të të vlerësojë dikush tjetër. Nëse thesari yt është mbuluar me pluhur merr një leckë të butë dhe pastroje, fshije mirë dhe shkëlqeje. »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Rilindasit dhe besimet fetare Në shtypin e Rilindjes Kombëtare, në kundërshtim me atë që është shkruar deri sot, përgjithësisht dominon pikëpamja se shqiptarët nuk ishin një popull afetarë. »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.