Gazeta Start - Kompetencat e INUK, Kushtetuesja rrëzon kërkesën e PD-së
facebook
twitter
rss
E Mërkurë,   06 Maj 2015
Kompetencat e INUK, Kushtetuesja rrëzon kërkesën e PD-së
2014.01.29 - 16:07   
 
Tiranë – Gjykata Kushtetuese ka rrëzuar sot kërkesën e Partisë Demokratike për kompetencat e Inspektoratit Ndërtimor Urbanistik Kombëtar.  

 Kërkesa është rrëzuar, por Akti Normativ i qeverisë për zgjerimin e kompetencave të INUK, do të trajtohet në themel javët në vazhdim, ku edhe do të merret vendimi përfundimtar.

Kjo do të thotë se Gjykata Kushtetuese nuk “ngrin” veprimtarinë e aktit normativ. Demokratët kërkonin që të shfuqizonin vendimin e qeverisë që i jep të drejtë INUK-ut për prishjen e ndërtimeve, edhe në rastet kur ato janë me leje, por që bllokojnë investimet publike, ose janë ndërtuar në kundërshtim me planet urbanistike.

Avokati i Partisë Demokratike, Ivi Kaso, thotë se vendimi i qeverisë anashkalon gjykatat, duke shkelur të drejtat e qytetarëve. “Vendimi cenon të drejtën e pronës dhe INUK kthehet në një institucion që vulos fatin e banesave të qytetarëve. Madje vendimi i qeverisë i jep të drejtë INUK të mos ndjekë proces gjyqësor”, theksoi ai. Por, ndryshe mendon përfaqësuesja e qeverisë në këtë proces. Edlira Jorgaqi, thotë se Partia Demokratike nuk është palë në konflikt. “PD nuk është palë në konflikt dhe si e tillë nuk ka cenim të pronës nga vendimi i qeverisë”, tha ajo.

Deputeti demokrat, Eduard Halimi, thotë se qeveria nuk mund të dalë mbi vendimet e gjykata dhe as nuk mund t’i anashkalojë ato. “Ne kundërshtuam dëmet që po u bëhen qytetarëve shqiptarë nga qeveria me apo pa tritol. Ky ishte argumenti jonë duke i thënë gjykatës se i vetmi autoritet në Republikën e Shqipërisë që mund të cilësojë një pronë me leje ndërtimi apo me leje legalizimi si të ligjshme apo jo janë gjykatat e vendit. Nuk është i mundur kryeministri të thotë që nuk më duhen gjykatat se kam INUK-un. Nëse një pronë është e ligjshme ose jo kryeministri me këtë akt normativ thotë se këtë çështje ma zgjidh INUK-u. Qeveria e tritolit ka shkelur vendimet gjyqësore dhe kanë vendosur tritol mbi pronat e qytetarëve shqiptarë. Pronat e ligjshme nuk mund të shemben me tritol nga kryeministri apo kryeinspektori”, tha Halimi. /Start/
 

 



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Këta janë trajnerët më të paguar në futboll
NASA publikon një dron fluturues (Foto/Video)
Rrjetet sociale pajisen me opsionin “Here Map”
Tiroidja, shkak i shëndoshjes dhe lodhjes
Frika nga dështimi i shtyn të rinjtë drejt botës virtuale
“Loro Boriçi” i ri
Danimarka nuk i qas tifozët serbë
Pamje mbresëlënëse gjatë shpërthimit të karterit në Hawaii (Video)
Modiano: Harresa. E shkuara? Është vendi i krimit
Op / Ed
Lajmi i fundit
 Forum
Çdo fund është një fillim i ri... Nëse e vini re, çdo gjë mbaron më parë brenda mendjes sonë, ne shohim vetëm pasqyrimin e saj në ekranin e quajtur jetë dhe e marrim si të vërtetë. »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Çështja e princit dhe e trashëgimisë osmane në vitet 1913-1914 Më 29 korrik 1913, Konferenca e Ambasadorëve në Londër njohu pavarësinë e Shqipërisë nga Perandoria Osmane. Në bazë të këtij vendimi Shqipëria u shpall principatë, nën garancinë e Fuqive të Mëdha. »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.