facebook
twitter
rss
E Shtunë,   25 Tetor 2014
Akti për “nëpunësit”, Kushtetuesja shqyrton ankesën më 26 nëntor
2013.11.06 - 14:19   
 
Tiranë – Brenda këtij muaji do të shqyrtohet padia e Partisë Demokratike kundër aktit normativ të qeverisë për shtyrjen e afatit të hyrjes në fuqi të ligjit për statusin e nëpunësit civil.  

Gjykata Kushtetuese njoftoi sot se ankesa do të shqyrtohet më datë 26 nëntor në orën 10:00.

Në listën e çështjeve për gjykim, Gjykata Kushtetuese ka shpallur edhe kërkesën e një të pestën të deputetëve të Kuvendit të Shqipërisë, ku përfshihen deputet të Partisë Demokratike, Partisë Republikane dhe Partisë për Drejtësi, Integrim dhe Unitet. Objekti i padisë është “Shpallja si i papajtueshëm me Kushtetutën i aktit normativ nr.5, datë 30.09.2013 të Këshillit të Ministrave “Për disa ndryshime në ligjin nr.152/2013 “Për nëpunësin civil””. Pezullimi i aktit normativ nr.5, datë 30.09.2013 të Këshillit të Ministrave “Për disa ndryshime në ligjin nr.152/2013 “Për nëpunësin civil””.

Partia Demokratike dhe dy aleatët e saj depozituan në Gjykatën Kushtetuese kërkesën më 3 tetor, teksa qeveria miratoi para kësaj date aktin normativ për shtyrjen e hyrjes në fuqi të ligjit, një nga tre kushtet e fundit të BE-së për marrjen e statusit të vendit kandidat. 

“Mungesa e nevojës dhe urgjencës, si dhe mungesa e shkaqeve reale që përligjin ekzistencën e një gjendjeje jo normale në jetën e vendit, që do të justifikonte nxjerrjen e aktit normativ, përbën shkak për deklarimin e tij të papajtueshëm me Kushtetutën. Kjo për faktin se nevoja dhe urgjenca duhen kuptuar si parakushte të domosdoshme, mosqenia e të cilave sjell në këtë rast pavlefshmërinë e aktit normativ me fuqinë e ligjit”, thuhet në kërkesë-padinë e demokratëve. Një tjetër argument i PD-së është edhe ai i faktit se ligji për nëpunësin civil është votuar në Kuvend me shumicë të cilësuar, ndërkohë që qeveria aktuale nuk ka marrë pëlqimin e 3/5 të anëtarëve të Parlamentit. “Një tjetër aspekt me rëndësi në këtë çështje është edhe fakti se akti normativ nr. 5/2013 ka vendosur ndryshimin e një ligji të miratuar me votat e më shumë se 3/5 e deputetëve të Kuvendit të Shqipërisë. Paraprakisht sqarojmë se përbërja aktuale e Këshillit të Ministrave ka marrë pëlqimin e më pak se 3/5 të deputetëve të Kuvendit të Shqipërisë”, thuhet më tej në materialin e depozituar dje në mesditë në Gjykatën Kushtetuese. Sipas PD-së, shtyrja e hyrjes në fuqi të ligjit të nëpunësit civil është bërë në mënyrë arbitrare dhe në shkelje të parimit të ndarjes së pushteteve.

“Duke shtyrë me 6 muaj prodhimin e efekteve të ligjit të ri, Këshilli i Ministrave i ka dhënë 3 muaj kohë vetes për të bërë të mundur largimin e nëpunësve civilë aktualë dhe zëvendësimin e tyre deri më datë 1 janar 2014 me punonjës të rekrutuar jashtë procedurave të parashikuara nga ligji. Kjo për faktin se neni 68 i ligjit nr. 152/ 2013 do t’i shtrijë efektet për periudhën 1 janar 2014 – 1 prill 2014, duke mos mbuluar periudhën 1 tetor 2013 – 1 janar 2014″, thuhej më tej. /Start/



     
  Komento këtë Lajm!   
  Emri*   
  Qyteti   
  Përmbajtja e komentit*   
  Kodi*     
 
Sqarim: Njoftojmë të gjithë lexuesit tanë se komentet të cilat përmbajnë fjalor ofendues, antikombëtar, antifetar, përçarës NUK DO TË PUBLIKOHEN!!!
     
Lajme të ndryshme
Kukësi sërish në krye, Skënderbeu rikthehet te fitorja
Çfarë preferonin të hanin presidentët amerikanë?
“Facebook”-u po ju shkatërron jetën
Këto zakone do t’ju pakësojnë dhimbjet
Mos u thoni fëmijëve “mëso!”
Goli i vitit?
Gabon Siti, Uest Hemi i jep leksion
9 mitet më të mëdha rreth gripit
Artan Fuga: Mediat sociale përcjellin dije
Analistët
Lajmi i fundit
 Forum
Buzëqeshi vetes! Mos nënvlerësoni buzëqeshjet dhe përshëndetjet e vetes sa herë që kaloni para pasqyrës në mëngjes, drekë apo mbrëmje. Shikojeni veten në mënyrë që edhe jeta t’ju shohë juve »»
 Eseistikë
Pyete jetën Alija Izetbegovi? është i atillë, saqë kur vendos të thuash diçka mbi të, ndjehesh vërtet i vockël para tij; nuk di nga t’ia nisësh më parë. Ata që e njohin biografinë e tij janë të vetëdijshëm për kë »»
 Dossier
Lëvizja e Delvinës në optikën e legatës angleze (II) Lajmi i vdekjes së Et`hem Totos u qarkullua në mënyrë disi dramatike në një pritje të madhe në mbrëmjen e datës 25 maj te Legata Jugosllave. Përpara se të vinte lajmi, pata rastin të shkëmbej disa f »»
Abonohu
Email
(*) Abonohuni këtu nëpërmjet emailit tuaj për të lexuar lajmet kryesore të ditës.

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.