Gazeta Start - Kryeministria fshin fjalinë e Ramës për shqiptarët e Maqedonisë (VIDEO)
facebook
twitter
rss
E Mërkurë,   01 Prill 2015
Kryeministria fshin fjalinë e Ramës për shqiptarët e Maqedonisë (VIDEO)
2013.09.21 - 11:06   
 
Tiranë – Duket se stafi i kryeministrit Edi Rama, e ka “ndrequr” gabimin e shefit të tyre gjatë takimit me Presidentin e Maqedonisë, Gjorgje Ivanov, ku bëri një barazim midis pakicës maqedonase në Shqipëri dhe shqiptarëve të Maqedonisë, të cilën zënë rreth 40% të popullsisë.  

Në faqen e Kryeministrisë është publikuar videoja e konferencës për shtyp midis Ramës dhe Ivanovit, ku mungon pjesa “por edhe si shprehje të një fakti të thjeshtë, që ne nuk u kërkojmë të tjerëve atë që ne vetë nuk jemi në gjendje ta plotësojmë për të tjerët”.

Në momentin që duhej të vazhdonte kjo fjali (minuta e 4-t), në video ka një pauzë pa zë dhe pa figurën e dy personaliteteve. “Nga ana tjetër zoti president më shprehu shqetësimin e tij që të ketë më shumë vëmendje dhe më shumë hapësirë për pakicën maqedonase në Shqipëri, dhe unë e marr këtë mesazh jo thjeshtë si një detyrim të shtetit tonë ndaj çdo pakice, por… por edhe si shprehje të një fakti të thjeshtë, që ne nuk u kërkojmë të tjerëve atë që ne vetë nuk jemi në gjendje ta plotësojmë për të tjerët”, pat thënë Rama atë ditë në konferencën e drejtpërdrejt në televizione, por në videon e publikuar mungojnë më shumë se 15 sekonda.

Fjala e kryeministrit shkaktoi jo pak debate, teksa opozita me anë të ish-ministrit të Jashtëm, Aldo Bumçi, e konsideroi si të paprecedentë deklaratën, duke bërë një barazim midis numrit fare të vogël të pakicës maqedonase në Shqipëri (thuajse një fshat në Pogradec) me shqiptarët e Maqedonisë, që zyrtarisht shkojnë në 25% të popullsisë atje, ndërsa realisht numri është më i madh. “Rama nuk përmendi marrëveshjen e Ohrit që i dha fund konfliktit në Maqedoni, dokumenti mbi të cilin duhet të zhvillohen marrëveshjet. Në një deklaratë të paprecedentë ai vuri barazimin mes pakicës maqedonase në Shqipëri dhe shqiptarëve në Maqedoni. Kjo është çartisje, shqiptarët e Maqedonisë atje përbëjnë 25% të popullsisë. Nga ana tjetër, në të gjitha raportet e BE, KE, OSBE, Shqipëria vlerësohet me notat më të larta për respektimin e të drejtave të pakicave. Rama duhet t’i tregojë shqiptarëve, edhe atyre në Maqedoni se cfarë është kjo politika e re”, tha Bumçi atë ditë./Start/



 



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Incidenti me flamurin, largohen dy serbë nga Apolonia
Akrobatja që mahniti jurinë rumune (Video)
“Galaxy Note 5” dhe “Galaxy S7” me ekran të lakuar (Foto)
Rrushi shton prodhimin e rruazave të kuqë të gjakut
10 gabimet kritike të prindërve në sytë e fëmijëve
Rrëzimi i avionit në 3D
Portugalia turpërohet në shtëpi
Kjo është mënyra me e shpejtë për të hequr dhëmbët (video)
Modiano: Harresa. E shkuara? Është vendi i krimit
Op / Ed
Lajmi i fundit
 Forum
A ka gënjeshtër të bardhë? Si mund të presim dashuri mes njerëzve, zemrat e të cilëve janë nxirë nga gënjeshtrat? A nuk do të kthehet në një gënjeshtër të stërmadhe çdo gjë e veshur me hipokrizi dhe pa dashuri? »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Përpjekjet e Perandorisë Osmane për të zhdukur zakonin e gjakmarrjes Studiues dhe historianë të shumtë shkruajnë se Perandoria Osmane, për interesat e saj, ndiqte një politike luajale ndaj të drejtës zakonore të popujve të ndryshëm. »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.