Gazeta Start - Ushqimet e duhura për vjeshtë
facebook
twitter
rss
E Enjte,   02 Prill 2015
Ushqimet e duhura për vjeshtë
2013.09.17 - 18:15   
 
Bashkë me uljen e temperaturave dhe ftohjen e kohës rritet më shumë rreziku i prekjes nga ftohjet, gripi apo virozat stinore. Ushqyerja e shëndetshme është rruga e vetme e një përgatitjeje të mire për dimrin. 

Rregulli i ushqyerjes duhet rishikuar gjatë ndërrimit të stinëve. Ushqyerja e shëndetshme është kushti themelor për  forcimin e sistemit imun, minimizimin e shpeshtësisë së sëmurjes dhe kalimit më të lehtë të dimrit.



Shfrytëzoni më mire produktet ushqimore

Gjatë ndërrimit të stinëve kemi më shumë nevojë për vitamina, minerale dhe përbërës  të rëndësishëm siç janë antioksiduesit. Në këtë periudhë mineralet dhe vitaminat duhet t’i marrim nga zarzavatet dhe frutat natyrale. Nga vitaminat vlen të përmendim vitaminat A, C, E, ndërsa zinku, magnezi dhe seleni përmbajnë veçori antioksiduese të cilat ndikojnë në përforcimin e sistemit imun.

Antioksiduesit janë lëndë që parandalojnë oksidimin në qelizë, forcojnë mekanizmin e mbrojtjes së trupit dhe rrisin rezistencën. Sistemi i fortë imun parandalon sëmundjet ose ndihmon në kalimin më të lehtë të tyre.

 

Probiotikë  për sistemin imun

Produktet probiotike luajnë një rol të rëndësishëm në forcimin e sistemit imun. Këto mund t’i gjeni te qumështi dhe kosi.

 

Shfrytëzoni edhe diellin

Tani pakësohet koha e marrjes së rrezeve të diellit. Për këtë arsye duhet të tregojmë kujdes ndaj burimeve të vitaminës D dhe kalciumit, dhe të marrim të paktën 15-20 minuta rreze dielli në ditë.

 

Vitaminë B kundër depresionit

Prirja për depresion shtohet me fillimin e vjeshtës. Për këtë arsye këshillohet ushqyerja me ushqime të pasura me vitaminë B. Buka me grurë, grupi i bishtajoreve të thata, zarzavatet me gjethe jeshile, mishi dhe produktet e qumështit përmbajnë vitaminë B. Konsumimi i bollshëm i frutave, zarzavateve dhe peshkut, pirja e ujit është shumë e dobishme për të mundësuar kontrollimin e sheqerit në gjak.

 

Shpejtojeni trupin me sport

Në këtë stinë bie dhe shpejtësia e trupit. Por ne mund ta rrisim shpejtësinë duke u marrë me sport. Veçanërisht ecjet me një ritëm të lehtë janë shumë të dobishme. Mos nënvlerësoni të ecni 3-4 ditë në javë.

 

Burimet e antioksiduesve

Vitamina A: mëlçia, zarzavatet me gjethe jeshile, karota, kajsia, veza.
Vitamina C: majdanozi, specat jeshilë të hollë, lulelakra, luleshtrydhja, limoni, portokalli, qitro.
Vitamina E: yndyrat bimore.
Seleni: produktet e detit, veshka dhe mishrat e tjerë.
Zinku: mishi, mëlçia, bullguri, peshku, qumështi, veza, arra, molla, bishtajoret e thata.
Magnezi: bajamja, arra, lajthia, banania, zarzavatet me gjethe jeshile.

/Start/Aisa Kokiçi/



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Tjetër dëmtim në gju, 7 javë stop për Alabën
Akrobatja që mahniti jurinë rumune (Video)
“Galaxy Note 5” dhe “Galaxy S7” me ekran të lakuar (Foto)
Rrushi shton prodhimin e rruazave të kuqë të gjakut
10 gabimet kritike të prindërve në sytë e fëmijëve
Rrëzimi i avionit në 3D
Një ndeshje pa tifozë për Kukësin dhe Apoloninë
Kjo është mënyra me e shpejtë për të hequr dhëmbët (video)
Modiano: Harresa. E shkuara? Është vendi i krimit
Op / Ed
Lajmi i fundit
 Forum
A ka gënjeshtër të bardhë? Si mund të presim dashuri mes njerëzve, zemrat e të cilëve janë nxirë nga gënjeshtrat? A nuk do të kthehet në një gënjeshtër të stërmadhe çdo gjë e veshur me hipokrizi dhe pa dashuri? »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Përpjekjet e Perandorisë Osmane për të zhdukur zakonin e gjakmarrjes Studiues dhe historianë të shumtë shkruajnë se Perandoria Osmane, për interesat e saj, ndiqte një politike luajale ndaj të drejtës zakonore të popujve të ndryshëm. »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.