Gazeta Start - Dhuna fillon në familje
facebook
twitter
rss
E Martë,   28 Prill 2015
Dhuna fillon në familje
2013.09.03 - 20:25   
 
Dhunën mund ta shohim të shprehur në të gjitha shtresat e shoqërisë. Ajo fillon të shfaqet në strukturën e familjes klasike, e cila përpiqet të vendosë një lloj autoriteti.  

Shembujt janë të shumtë, duke filluar që nga dhuna e ushtruar ndaj një gruaje në rrugë e deri tek nxënësit që kërkojnë të drejtat e tyre në shkollë.

Sigurisht që për të bërë një analizë të hollësishme dhe për të kërkuar faktorët e vërtetë nxitës të dhunës, analiza duhet filluar nga familja. Në vendin tonë përballemi me familjen klasike autoritare. Metodat më të përhapura në vendosjen e këtij autoriteti janë kërcënimi, frika dhe përdorimi i dhunës fizike. Vëzhgimi është realizuar në një qendër tregtare tek fëmijët. Në  shembullin më të thjeshtë, fëmija ose tërhiqet për krahu nga nëna ose goditet me nja dy shpulla të lehta kur fillon e qan apo tregon kokëfortësi ndaj prindërve. Dhuna fizike mund të përdoret edhe si një dënim në rastet kur fëmijët bëjnë diçka që nuk e dëshirojnë prindërit.

Nuk duhet  të harrojmë edhe faktin se dhuna është një sjellje e mësuar.

Fëmija e mëson dhunën nëse e sheh atë në shtëpi dhe kështu fillon ta përdorë kundrejt të tjerëve. Mesazhi i dhënë nga nëna që e godet fëmijën e saj kur zemërohet, është i qartë. “Unë nuk i zgjidh problemet në mënyrë tjetër. Mund të të godas kur zemërohem”. Fëmija i ekspozuar ndaj kësaj dhune fillon ta kuptojë se reagimi i nënës së tij kur zemërohet është dhuna fizike.

Në fillim ai do të fillojë të ushtrojë dhunë ndaj bashkëmoshatarëve, më pas ndaj familjes e më pas aty ku ndihet i fortë.
Mënyra e vetme e parandalimit të rasteve në rritje të dhunës fizike është ndërhyrja e menjëhershme në strukturën familjare. Prindërit duhet të sigurohen për sjelljet dhe fjalët e përdora nga fëmija, dhe të përcaktojnë mire lidhjen që ka fëmija me dhunën. Ndryshimi fillon tek sjellja e prindit. Nëse prindi që ushtron dhunë ndaj fëmijës së tij e këshillon atë të mos përdorë dhunë ndaj bashkëmoshatarëve, atëherë fjalët e tij do t’i marrë era dhe nuk do të kenë asnjë efekt pozitiv te sjellja e fëmijës.

Sigurisht që edhe  politikat e përdora nga shteti kanë efekt të madh ndryshues, por për sa kohë shteti do të ushtrojë dhunë mbi qytetarët e vet, kjo duket si një ëndërr e parealizueshme. /Start/Aisa Kokiçi/



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Reali mendon ta blejë përfundimisht Hernandezin
Kujdes! Edhe majmunët rebelohet (Video)
“Lumia” shton në buxhetin e Microsoftit 1.4 milionë dollarë
Aloe vera, bima e shëndetit
Lidhja e mrekullueshme mes nënës dhe fëmijës
Nëna
Kukësi shkarkon Shaqirin
Kur zebrat dalin ‘shëtitje’ shkaktojnë kaos (Foto/Video)
Modiano: Harresa. E shkuara? Është vendi i krimit
Op / Ed
Lajmi i fundit
 Forum
Ti je një thesar! Ti je vetë një thesar! Nuk ke nevojë ta thotë dikush apo të të vlerësojë dikush tjetër. Nëse thesari yt është mbuluar me pluhur merr një leckë të butë dhe pastroje, fshije mirë dhe shkëlqeje. »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Terenc Toçi dhe qeveria e përkohshme shqiptare e 26 prillit 1911 Terenc Toçi ishte dhe mbetet një nga personalitetet më të njohur shqiptarë të arbëreshëve të Italisë. Ai u lind më 9 mars 1880 në një provincë të Kozencës. Që në moshë të re, Terenc Toçi u aktivizua n »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.