facebook
twitter
rss
E Shtunë,   20 Dhjetor 2014
Specializimet në mjekësi do të nisin së shpejti
2013.05.02 - 08:36   
 
Tiranë - Specializimet në mjekësi, proces që pritet të nisë së shpejti, parashikohet të jenë rreth 350 kuota, 300 prej të cilave për studentët shqiptarë dhe 50 për studentët nga trojet shqiptare, tha sot dekani i Fakultetit të Mjekësisë, Bajram Hysa.  

"Fakulteti i Mjekësisë ka përfunduar procedurat në bashkëpunim me Ministrinë e Shëndetësisë dhe atë të Arsimit dhe Shkencës për hapjen e procesit të specializimeve, që pritet të mbarojë shumë shpejt me miratimin e vendimit të Qeverisë", tha Hysa, pas kongresit Ndërkombëtar për Shkencat Biomjekësore, organizuar nga Universiteti i Mjekësisë.

Procesi do të kryhet në një periudhë rreth 2 mujore pas daljes së vendimit, ndërkohë që parashikohet të jenë mbi 350 kuota specializimi, nga të cilat 300 për studentët shqiptarë dhe 50 për studentët e trojeve shqiptare. Hysa tha se kërkesat për konkurim pritet të jenë të shumta, rreth 700 të tilla. 

Referuar konferencës shkencore, Hysa tha se "kjo konferencë evidenton kontributet e shkencëtarëve të rinj, por jep dhe disa drejtime se ku duhet të përqëndrohet puna shkencore për të rritur cilësinë e shërbimit shëndetësor". "Gjithçka që bëhet në Fakultetin e Mjekësisë ka për qëllim përgatitjen e profesionistëve, rritjen e  cilësisë së kujdesit shëndetësor sipas standardeve evropiane dhe ky profesionalizëm arrihet përmes një punë shkencore që bën profesorati i mjekësisë", theksoi Hysa.

Sipas tij, janë rreth 150 artikuj shkencorë nga profesorati i mjekësisë, të botuara në revistat më prestigjoze ndërkombëtare. Ndërkohë, vetëm gjatë një vitit në Fakultetin e Mjekësisë janë fituar mbi 70 grada për doktoraturë, kanë fituar tituj shkencore mbi 50 dhe janë në proces mbi 300 doktoratura.  Rektorja e Universitetit të Mjekësisë, Jera Kruja, e cilësoi konferencën një risi, që tregon mundësitë që ka brezi i ri për të organizuar të tilla evente shkencore, të krahasueshme me standardet botërore. E pyetur lidhur me procesin e zgjedhjeve të shefave të shërbimit në Qendrën Spitalore Universitare "Nënë Tereza" në Tiranë, Kruja tha se aktualisht po analizohen ankimimet, që, sipas saj, janë të shumta lidhur me procesin dhe në përputhje me legjislacionin do të merret një vendim përfundimtar. /Start/



     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Sukses në frymën e fundit, Bajerni merr pushimet me 8 fitore radhazi
12 veprime të paligjshme që turistët nuk i dinë
Njihuni me telefonin inteligjent me ar dhe titan (foto)
Si mund të mbrohemi nga sinusiti?
Sekretet e një shtatzënie të qetë
Talent i gjuajtjeve të lira
47 vjeç dhe ende në fushë
Shtëpi për fundin e botës (foto)
Blendi Fevziu: Ahmet Zogu nuk ishte tradhtar
Op / Ed
Lajmi i fundit
 Forum
A e keni busullën e jetës? Njerëzit e pavendosur, të përplasurit sa andej-këtej nga mosnjohja e qëllimit të jetës së tyre, të pakënaqurit me gjërat që kanë arritur, nuk ua dinë vlerën e vërtetë gjërave. »»
 Eseistikë
Tre qytete Athina, Roma dhe Konstandinopoja/Stmabolli janë tre prej qyteteve simbol që përbëjnë një trashëgimi kulturore të llojit të vet për të gjithë botën, por në veçanti për kontinentin europian. Kur themi »»
 Dossier
Konfiskimi i arit nga regjimi komunist Grabitjen më të madhe shqiptarëve ua bënë vetë shqiptarët. Grabitja sistematike dhe konfiskimi i arit nga pasanikët shqiptarë filloi me instalimin e regjimit komunist. »»
Abonohu
Email
(*) Abonohuni këtu nëpërmjet emailit tuaj për të lexuar lajmet kryesore të ditës.

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.