anketa
futboll
 |
 |
 |
 |
 |
 |
"të përgatit për jetën"!
Partnerë
I ashtuquajturi “neo-otomanizëm” dhe lehtësia e ...
Hito LABI
Iashtuquajturi “neo-otomanizëm” dhe lehtësia e papërballueshme e polemikës
Me thënë të drejtën, or miq, kisha ndërmend të shkruaja për korrupsionin, por i ziu njeri edhe tundohet nga tema e diskutime qe sheh andej këtej e që i duken më të majme për penën a dhëmbët metaforikë. Dhe nga ky neps diskutimi e pëson korrupsioni, të cilit po i premtoj që tani, para jush, një shkrim në të ardhmen e afërt.
Çka me rrëmbeu në këtë farë feje është diskutimi i Z. Misha mbi të ashtuquajturën tendencë neo-otomaniste në politiken e jashtme turke. Duke qenë se termi “neo-otomanizem” përdoret gjerësisht nga analistët për të përshkruar idetë e Davutoglu, ministrit të jashtëm të Turqisë, por jo nga vetë ai, e mendova me vend të ofroj një kontekst për të diskutuar implikimet e kësaj politike.
Gjate Luftës së Ftohtë Turqia ishte një gur shahu në lojën globale të përmbajtjes së komunizmit, një avanpost i NATO’s që i siguronte kësaj të fundit një rreze strategjike veprimi thellë në prapavijat e Bashkimit Sovjetik. Kjo mbartte kufizime të skajshme në politikën e jashtme të Turqisë. Realisht, caqet e aktivitetit të kësaj politike vendoseshin në Uashington dhe Turqisë i mbetej vetëm të mbushte boshllëqet që i liheshin. Që për hir të së vërtetës, nuk ishin shumë. Përshembull, për marrëshënie normale me Bullgarinë ose BS nuk mund të flitej. Irani dhe Siria ishin shtete kliente të BS, pra non-grata për Uashingtonin. Antipatia e pas-Luftës së Parë Botërore ndaj arabëve dhe më vonë revolucioni Islamik në Iran eliminuan mëdyshjet dhe thjeshtuan izolimin e Turqise nga Lindja e Mesme. Që le fqinjen e fundit, Greqinë. Një histori konflikti, dekada mungese stabiliteti dhe përplasja e 1974 në Qipro i lanë marrëdhëniet me këtë të fundit thuajse të akullta. Voila. Sa e thjeshtë, aq edhe trishtë; për dekada të tëra politika e jashtme turke konsistonte në vizitat periodike në mbledhjet e NATO’s dhe diskutime mbi çështjen e Qipros se Veriut.
Ky pozicion ishte thellësisht i panatyrshëm për Turqinë. E vendosur në një rajon të dominuar nga Perandori që funksiononin si ura mes civilizimeve, Turqia, gjate Luftës së Ftohtë, u reduktua në një stacion periferik metroje.
Turgut Ozal dhe me vone Ahmet Davutoglu e kuptuan që rënia e “perdes së hekurt” dhe mbarimi i Luftës së Ftohte i jepnin Turqisë mundësinë për të rifituar rëndësinë e saj strategjike dhe për të ravijëzuar një politike të jashtme të pavarur nga Uashingtoni dhe në përputhje me interesat e saj ekonomike afatgjata. Dhe nuk humbën kohë për të rigjallëruar marrëdhëniet me një sërë vendesh në rajon e më gjerë. Dhe tendenca që filloi me Ozalin u kristalizua më vonë në punën sistematike të Davutoglu, që me librin e vet “Thellësia Strategjike” ravijëzoi skeletin e politikës së jashtme të Turqisë në shekullin e 21’të. Ajo çka për alarmvënësit në Perëndim është “neo-otomanizëm”, për turqit është thjesht normalizim i marrëdhënieve me fqinjët dhe rajonin.
Deri këtu nuk kemi ndonjë ndryshim të madh me Z. Misha. Pak kontekst historik, që një shkrimi me objektiva të caktuar mund t’i falet. Por kritikët e Davutoglu në Perëndim (më saktë, qarqet neo-konservative të Uashingtonit dhe transmetuesit e tyre lokale) që vënë tellallin për një Turqi neo-otomane që “shket drejt Lindjes”, “harrojnë” të përmendin dy aspekte kryesore të doktrinës së tij.
Së pari, normalizimi i marrëdhënieve nuk synon vetëm vende të caktuara (lexo: vende myslimane), por të gjithë fqinjët e Turqisë. Pra, përfituesit nga ky proces nuk janë vetëm Irani,Iraku e Siria, por edhe Armenia, Greqia e Rusia. Kjo e fundit është destinacioni më i preferuar për kapitalin turk, investimet e të cilit në Rusi arrijnë në rreth 30 miliardë dollarë, ndërkohë Turqia do të bëhet një ndër kanalet e transportimit të naftës dhe gazit rus.
Për më tepër, pozicionet e Ankarasë mbi çështje të caktuara të politikës ndërkombëtare nuk “ndryshojnë dukshëm nga ato të Perëndimit”. Ndryshojnë nga pozicionet agresive të neo-konservativëve amerikane, por jo dhe aq nga pozicioni i, të themi, Francës, që kundërshton ndërhyrjen e armatosur në Iran, kundërshtoi luftën në Irak dhe në përgjithësi është më objektive përsa i përket konfliktit midis izraelitëve dhe palestinezëve. Paanshmëria e Ankarasë është një aset për aleancat në të cilat ajo është anëtare. Edhe Obama e vlerësoi punën e Ankarasë në negociatat mes Perëndimit dhe Iranit apo mes Sirisë dhe Izraelit.
Së dyti dhe me së rëndësishmi, integrimi europian është një pjese e rëndësishme e rinormalizimit të politikës së jashtme turke. Gjate Luftës së Ftohtë, platforma ekskluzive e marrëdhënies midis Perëndimit dhe Turqisë ishte NATO, dhe agjenti primar turk në këtë marrëdhënie ishte klasa ushtarake e Turqisë. Erdogan dhe Davutoglu arritën të përfshinin Bashkimin Europian si platformë komunikimi, çka solli, pjesërisht, edhe demilitarizimin e marrëdhënies së lartpërmendur. Erdogan dhe partia e drejtuar nga ai kanë bërë më tepër për anëtarësimin e Turqisë në BE në 5-6 vitet e fundit nga ç’kishin bërë tërë të tjerët në dy dekadat para tyre.
Pra, vizioni i Davutoglu dhe Erdogan është një Turqi anëtare e BE, në marrëdhënie të mira me Rusinë, Ballkanin, Kaukazin dhe Lindjen e Mesme. Një Turqi që i ofron BE’së një mundësi për të konkurruar me Amerikën për influencë në Lindjen e Mesme e më tej.
Si rrjedhojë, të pretendohet që Turqia po servir neo-otomanizmin si alternativë ndaj Perëndimit në Ballkan është, mender jush dhe duke perifrazuar Faik Bej Konicën, gomarllëk. Turqia nuk ka si të pengojë ballkanasit të anëtarësohen në organizata në të cilat ajo është vetë anëtare (NATO) apo në të cilat aspiron me mish e me shpirt të anëtarësohet (BE).
Nga ana tjetër, anëtarësimi në BE nuk i pengon vendet që të kenë marrëdhënie të veçanta me vende të tjera me të cilat ndajnë një kufi, gjuhë apo trashëgimi historike. Për shembull or miq, të me ndjeni, por unë dhe lebër të tjerë që njoh, e ndiej veten me afër nga ana kulturore me grekun se me danezin. Sepse si ne, si greku, qejfin e kemi me raki e qengj në hell, jo me shnaps e koka peshku të tymosura.
Dhe (hiq rakinë) ky është konteksti i fjalës së Davutoglu në Sarajevë. Ballkanasit nuk kanë pse ta shohin të kaluarën osmane si pengesë për integrimin europian, e as këtë të fundit si pengesë për të jetuar në një Europë moderne me identitetin që zgjedhin vetë, apo për të pasur marrëdhënie të veçanta me vende me të cilat ndajnë vlera e histori.
2010-02-24
[
]
]| Postuar më: 2010-08-30 11:55 | |
| O bobo sa qenkeni lodh... | |
| ERA, DURRES | |
| Postuar më: 2010-07-28 04:42 | |
| I/e dashur a.s., faleminderit per komentet. jam dakord persa i perket faktit qe izolacionizmi turk nuk fillon me luften e ftohte, por me themelimin e republikes ne 1923. vendet ne kufirin lindor perfaqesonin te kaluaren nga e cila turqia po perpiqej te shkeputej, ndersa ato ne perendim ishin vende me te cilat turqia kishte luftuar ne dekaden para republikes. por lufta e ftohte e theksoi izolacionizmin, dhe sidomos pas puc´it te 60´es izolacionizmi u be modus operandi i politikes se jashtme. ne fakt, qeverisja e menderesit nga viti ne 1950 deri be 1960´en ishte nje perpjekje per thyerjen e kesaj tendence, por forcat e status quo´se brenda dhe jashte turqise dolen me te forta se menderesi. sigurisht qe kishte nje simbioze midis status quo´izmit brenda dhe jashte; elita sekulariste e perdori luften e ftohte per te justifikuar politikat e saj dhe lufta e ftohte (usa) e perdori eliten sekulariste per te ruajtur interesat e saj. por marredhenia ishte shume afer asaj midis klientit dhe pronarit, dhe usa ishte ne rolin e pronarit. merret vesh, ne nje shkrim 900 fjalesh (apo ne nje replike si kjo) nuk mund te permbledhesh 50 vjet histori, por marredhenia thelbesore midis luftes se ftohte dhe izolacionizmit mbetet e pandryshuar nga detajet e shtuara. persa i perket neo-otomanizmit, eshte jelek goxha i ngushte. politika e re turke synon pozicionimin e turqise si vend qendre, jo periferie. eshte qartesisht politike turko-centrike, sic pritet nga nje vend me ambicie. ambicia per hyrje ne b.e. eshte e gjalle, edhe procesi eshte ngadalesuar ne 3-4 vitet e fundit, dhe jo vetem per faj te turqise. por, krahas atij procesi turqia po perpiqet te diversifikoje partneret politike dhe ekonomike perreth perimetrit te saj. kjo eshte krejtesisht normale. retorike historike kulturore qe shoqeron perfshirjen e turqise ne ballkan apo lindjen e mesme eshte gjithaq normale. po ashtu, eshte krejtesisht joekzistente persa i perket marredhenies me partnerin me te rendesishem ne investime, rusine. dhe ky proces diversifikimi ka per ta bere turqine akoma me terheqese ne strukturat euro-atlantike ne te cilat ben apo aspiron te beje pjese. keto procese paralele jane komplementare dhe jo kontradiktore. shuma e tyre jep gjithashtu nje pamje shume me komplekse nga etiketa thjeshtezuese e neo-otomanizmit, qe per me teper eshte e mbarsur me konotime historike negative. prandaj dhe une i gjej axhelexhinjte e neo-otomanizmit te ceket dhe te pasinqerte. tung, | |
| hito, nivice | |
| Postuar më: 2010-07-22 23:12 | |
| Shkrimi fillon - "Me thene te drejten...." ... pastaj vazhdon..".. por i ziu njeri ... " keto dy shprehje jane dialektizma te dy zonave te ndryshme. | |
| xxxxxxxx, | |
| Postuar më: 2010-07-19 19:38 | |
| I dashur autor na ke dhene nje premtim: "Me thënë të drejtën, or miq, kisha ndërmend të shkruaja për korrupsionin, por i ziu njeri edhe tundohet nga tema e diskutime qe sheh andej këtej e që i duken më të majme për penën a dhëmbët metaforikë. Dhe nga ky neps diskutimi e pëson korrupsioni, të cilit po i premtoj që tani, para jush, një shkrim në të ardhmen e afërt". | |
| ag, imi | |
| Postuar më: 2010-07-19 17:38 | |
| Kisha kohe qe nuk i kisha lexuar shkrimet tuaja, dhe po ndjehem keq qe komenti im vjen me kaq vonese. Ne radhe te pare, nje pyetje per sa i perket qellimit qe kerkon te arrije ky shkrim. Deri nga fundi i shkrimit keni nje pozicion mbrojtes ndaj politikes se jashtme te Davutoglu, ndersa nga fundi del nje tematike tjeter qe tenton te qetesoje te alarmuarit se mos valle kjo politike e Turqise perben pengese per anetaresine e Shqiperise ne BE dhe organizma te tjere, por c´synoni te arrini ju me nje shkrim gati amatoresk dhe me vjen keq ta them kaq hapur, te ceket? Pika e dyte mund te ishte fare mire objekti i nje artikulli tjeter mjaft interesant, por kete diskutim mund ta leme per nje here tjeter. Ne kete koment desha te izoloj problematiken e pare, ate dominante te shkrimit, pra politiken e jashtme turke dhe ekzistencen apo jo te neo-otomanizmit e qellimet e tij. Se pari, le te sqarojme zanafillen e politikes se jashtme turke gjate kohes se Luftes se Ftohte. Nderkohe qe bashkohem me kendveshtrimin tuaj se Turqia ishte kthyer ne nje stacion tranzit ne sferen e marredhenieve nderkombetare, nuk jam shume dakort me tezen tuaj se kjo qe rezultat thjesht i politikes se Washingtonit. Perkundrazi, une do te thosha qe kemi te bejme me nje kontrate perverse mes te dyja paleve. Habitem se si ju, qe me sa di keni kaluar nje periudhe te pakten 4-vjecare ne Turqi, nuk permendni fare marredhenien e ngushte, per te mos thene fare intime, te politikes se brendshme turke me ate te jashtme. Mbase do t´ju duhej te kishit kaluar dyfishin e kohes a mos pak me teper, sic ne kete rast kam kaluar une, per te depertuar pak me thelle ne labirintet e historise me te erret te Turqise, qe nga viti 1938 e deri pak pas 1980, qe do te na jepte shume me teper pergjigje per cfare po ndodh sot ne Turqi, se sa cdo te na jepte nje analize e detajuar e historise disaqindravjecare te Perandorise Osmane. Ketu bej fjale per historine e grushteve te njepasnjeshme te shtetit, nderhyrjet e dhunshme te ushtrise ne politike dhe ne konfliktet shoqerore, burgimet politike, etj. Eshte absurde te flasesh per historine e Turqise gjate kohes se Luftes se Ftohte, pa permendur asnje nga keto. Vetem nje analize qellimisht driteshkurter mund te na bente te mendonim se diplomacia turke percaktohej ne Washington nderkohe qe Turqia demonstroi se kishte fuqi te mbetej asnjanjese ne momente aq kritike sa Lufta e Dyte Boterore, ne te cilen nuk u perfshi. Jo, zoteri! politika e jashtme turke percaktohej nga demonstratat e studenteve komuniste ne rruge, nga kerkesat e sindikalisteve, nga therrjet ne sheshe universitetesh e vrasjesh ne rruge mes te majteve dhe ultra-nacionalisteve dhe nga indiferenca dhelperake e fetareve. Qeverite e atehershme turke, me vullnet plotesisht te lire, vendosen te kerkojne ndihmen e SHBA-se per te shtypur tendencat komuniste ne rritje ne vend. (Nuk dua te le pa permendur qe po me te njejtin vullnet te lire u promovuan grupe fetare qe sot propogandojne harmoni, dialog nderfetar, etj.). Arsyeja pse vetem sot po hapen me shume veshtiresi disa deftere te vjetra te asaj periudhe te erret te historise turke eshte pikerisht marrveshja perverse e atehershme mes Washingtonit dhe Ankarase: "Une (SHBA) nuk te gjykoj per pucet ushtarake te shtetit, burgimet politike dhe shkeljet flagrante te te drejtave te njeriut; ti (Turqi) je aleatja ime ne NATO dhe je baza ime me e rendesishme ne rajon. Ne te njejten kohe, ti Turqi krijon lidhje te ngushta me Izraelin (je hija e tij mbrojtese ne rajon) dhe je e distancuar goxha mire nga Irani, Iraku, Siria (keto dy te fundit i kam ne kujdes vete). Mos ki merak se Evropa nuk e ka zerin aq te larte sa ne edhe pse te kritikojne per ceshtjen armene e kurde." Historia eshte nje element kyc ne gjykimin qe duhet t´i bashkangjitet analizes se politikes se jashtme turke sot. Te pranuarit se Turqia ishte nje inferiore e bindur e Amerikes ne kohen e Luftes se Ftohte eshte ne thelb kontradiktore me ate qe rrjedh nga cka thoni ju: se gjoja politika e jashtme turke qe fatkeqesisht ne qorrsokak se aty e futi Amerika, dhe tani po del qe aty sepse "titanet" – dmth politikanet e sotem u zgjuan nga gjumi. Nuk duhet harruar se lufta ne Irak ishte nje faktor tjeter qe i dha dore te lire Turqise te merrte me teper guxim dhe te rigjente vendin e saj ne rajon. Turqia perfitoi shume mire nga rasti per t´u fuqizuar diplomatikisht ne rajon. Amerika ishte e deshperuar per nje kalim te sigurte te forcave te veta ushtarake nepermjet bazave ne Turqi. Parlamenti e refuzoi rezoluten, por trupat kaluan nga territori i Turqise gjithsesi. Pra, s´ka me vend per dyshim se ne fakt pati nje biznes te ndyre midis te dy paleve, qe s´diskutohet duhet te kishte favore te bollshme per Turqine si nga ana ekonomike ashtu edhe nga ana e politikes se jashtme....P.sh. Turqia ka deri diku dore te lire nga SHBA per te thene cfare te doje, ta zeme ne Davos apo ndokund tjeter, kunder kryeministrave izraelite. Nuk eshte vetem trimeria e Erdoganit. Pika e dyte shume e rendesishme eshte ekzistenca e neo-otomanizmit. Kesaj radhe jam dyfish e habitur. Kam lexuar disa shkrime tuajat me pare dhe nuk e kam aspak te veshtire te kuptoj se ju vete jeni nje i tille – asgje personale, per te mire apo per te keq. Por dua te them, te pakten ju duhet ta dini mire se c´eshte, dhe c´nuk eshte. Ju thoni se orientimi i Turqise eshte Evropa dhe i vendosni te dy sistemet perkunder njeri-tjetrit. Nderkohe qe fare mire e verteta mund te qendroje se perseri axhenda e brendshme ushtron presion, p.sh. nga mbajtja e premtimeve elektorale deri tek reformat ligjore e strukturale per te cilat vendi ka nevoje. Ne fund te fundit, bisedimet e Turqise per ne BE kane ecur shume me ngadale se sa ato edhe per anetaresimin e Shqiperise, nderkohe qe jo me larg se para pak javesh ne nje gazete prestigjioze evropiane nje kryeartikull shkruante se mund te vija puna qe t´i lutemi Turqise per anetaresim dhe ajo te mos doje.... Ne kete rast mohimi i ekzistences se neo-otomanizmit dhe i zhvillimit te tij per ju eshte si te thuash nje lloj kontradikte, nga e cila do te thoja se mund te shpetoni vetem nese pranoni ekzistencen e disa rrymave neo-otomane. Mendimi im eshte qe eshte shume heret te flitet per rryma te atilla te kristalizuara mire. Tendencat e sotme tregojne qe ato per momentin kane nje qellim te perbashket: ate te nje Turqie te modelit te Perandorise. Te mos trembet njeri, por duhet kuptuar qe kjo eshte nje aspirate legjitime e cdo populli qe ka qene nje perandori qe ka bere histori ne te kaluaren. Me ne detaje per neo-otomanizmin dhe filizat e tij ne Ballkan, ne nje koment tjeter.... | |
| A.S., Gjeneve | |
| Postuar më: 2010-07-08 02:46 | |
| Po je njish | |
| aldi, | |
| Postuar më: 2010-07-07 16:52 | |
| Pershendetje te gjitheve i nderuar filozof te pershendes edhe pse ja paske futur kot leri greket leri turqit leri te gjithe ne jemi shqipetar raki mish e gjith bota pin raki edhe ha mishe si po me duket mua ti spaske pik lidhje o zoteri sipas teje rakia mishi eshte kultura jo gabim e ke ne qoft se je simpatizant i grekeve mund te shkosh atje e te flasesh dhe te behesh nje spiun se ashtu edhe je po me duket mua nje njeri qe shkrua keshtu si ti se ka asnje miligram gjak shqipetari | |
| uliks, shkoder | |
| Postuar më: 2010-06-30 08:49 | |
| Mendoj se artikull-shkruesi e ka paraqitur sakte problemin turk kohet e fundit por ka harruar pa permendur se ishte politika xhonturke[turqit e rinj],qe tokat dhe kombi shqiptar u shperbe gjate luftes se pare botrore dhe tokat shqiptare dolen ne ankand.sa per greqine pavaresisht se ne kemi te njejtat tradita dhe zakone,rruget i kemi te ndara,qe kur greqia ka zaptuar janinen e camerine,dhe qe kur ajo ka helmatisur ortodoksine shqiptare duke i quajtur greker.vete greqia duhet te ndryshoje politiken e saj . | |
| labi, sarande | |
| Postuar më: 2010-06-26 04:30 | |
| Ore zotri rakin dhe qingjin nuk e perdor vetem greku dhe shqipria.kam qen ne romani dhe te them se afrohen me shum me ne se sa greket.gjith ballkani perdor rakin dhe kercen keng ballkanike.dhe nuk eshte rakia dhe qingji ana kulturore..shko shko ne greqi ishalla po te kap ne i polic dhe po ta bo kurrizin bark kot vetem se je shqiptar, dhe pastaj shofim se sa afer e ndjen veten me grekun | |
| fation, | |
| Postuar më: 2010-06-23 13:07 | |
| Ne seriale te \"animals\" shikoj tufa kafshesh, shpendesh, peshqish, insektesh etj.ne lufte per mbijetese-ushqim, kafshet gjuetare, me kujdese maksimale e percjellin tufen-viktime, dhe, zakonisht, kur tufes e imponohet levizje-migrime, per gjetje te ushqimit ose nderrtimit klimatorik, kafshet gjuetare(luanet,tigrat,arinjte, shqiponjat,peshkaqenat...) e sulmojne tufen aty ku eshte me e dobet dhe sigurojne mbijetesen(preferencen) e vet! Sasi me te bollshme sigurojne gjat l e v i z j e v e-m i g r i m e v e!!! S\´jam historian, por, ne kohen e l e v i z j e v e (ndryshimeve...) ne Ballkan, shqiptaret jan gjendur gjithemon ne poziten e \"tufes viktime\" perball fqinjeve \"gjuetar\"!!! Te gjithe e dijme si e pesuam gjat 1878-ten,(humbem Toplicen), gjat 1913 (humbem Kosoven dhe Camerine), 1945 u masakrua Kosova(kryengritja e Shaban Poluzhes, Monopolli Tetoves, Tivari etj.), u mashakruan dhe u debuan camet. Me 1997 thuajse u shperbe Shqiperia,u cfaqen aspiratat greke per shqiperine e jugut,gjuetari jugor! shum lehte e gjeti se ku eshte me dobet tufa!, 1999 u masakrua-u debua Kosova nga Serbia, gjuetari verior e detektoj se sa e dobet eshte tufa!!!, ndodhi edhe Maqedonija... Pra, instikkti natyror qe vepron te kafshet, vecanerisht ne situata l e v i z j e s h, vepron edhe tek njerezit-kombet- shtetet. A edhe ne shekullin 21 ne shqiptaret do meremi me kush eshte me i mire ose me i keq nga gjuetaret! per reth nesh, greku, serbi, turku... Perderisa ne meremi me keto gjepura, ata (gjuetaret fqinje!!!) i ferkojne duart dhe do presin ndonje l e v i z j e t e r e!!! | |
| merxhani, Tetove | |
| Postuar më: 2010-06-14 10:50 | |
| O labi i djallezuar me keto shkrime te tuat, arove qe jemi shqipetare,nuk jemi as greke, as turk, as sllave.POR TE THEM EDHE NJE HERE,QE JEMI SHQIPETARE ,SHQIPETARE EUROPIANE,SIC KANE QENE TE PARET TANE.ILIRE PAGANE. | |
| berto, berat | |
| Postuar më: 2010-06-07 14:39 | |
| Ju pershendes te gjitheve po ju vet veten pe mashtroni o vllezer lexone mir analizone dhe imagjinone qfar ka dashur te thote e mos ja futni kot se asnjeri prej jush nuk eshte duke ja ditur kuptimin se ku ka dashur ta qes zoteria ne fjal greko-shqiptari per te e kam fjalen un kisha me ju lutur te gjitheve lexoni analizoni imagjinoni e pastaj shkruani e jo si ju lexo e shkruaj ska askund keshtu.zoteri i nderuar kam respekt nuk paskam ndegjuar per ty vetem me te vertet ti ma mire eshte ti dalesh trenit perpara ose te varesh si sadam huseini se me shkruar keshtu shqiptari greku mishi rakia ti mundesh me fol per veten tende o zoteri se ne jemi shqipetar edhe nuk kemi te bejme me asnje popull mundesh me fol si individ e jo ashtu duhet me te ardhur turp vetem kur te thuash shqipetar e jo per ndonje gje tjeter.ne qoft se e ngrene mishin ne hell me grekun ateher e ngrene vellaun tend ska as ni vit ku ta kan pjekur vellaun ne hell greket e tu sa i perket rakis te beft mir vetem te kisha keshilluar me mir ta pish me shkaun se me grekun se jan me te zi se shkau un me nje kemb rri per te luftuar kunder grekut ky zoteria mishi rakia bravo.kaloni mir turp per ata qe jan pro-grek. | |
| agim, prishtine | |
| Postuar më: 2010-06-04 15:47 | |
| Un mendoj se ky njeri qe ka shkruar per grekun mir eshte shizofren i cili nuk ka lidhje me histori shqipetare po vetem ja fut kot por por un e pershendes baben e shqipetarve salen i cili ju ka drejtu e ju ka qit ne rrug te mbare e tash ju mundeni me fol per grekun mir po ky greku shok i dashtur na ka djeg dhe na ka masakruar vellezerit tane shqipetar ju kisha lut redaksise qe mos te publikoje kesi lloje shkrimesh se eshte duke i perqar shqipetaret po kisha me ju lut gjithe popullit lereni grekun lereni turkun nuk na interesojne ato neve ,neve na intereson kombi jon gjaku jon e keshtu me radhe | |
| petrit, tirana | |
| Postuar më: 2010-06-03 15:08 | |
| Ju pershendes te gjitheve posaqerishte edhe veten ne pika te shkurta kisha mi thane ati zotnis qe qenka shum filozof edhe mos u bo simpatizant i grekeve se greku kurr nuk e ka dashur shqipetarin as kurr nuk ka me dashur tung kaloni mir. | |
| lloris, shkoder | |
| Postuar më: 2010-05-23 04:51 | |
| Ok, kurajos se Hititos, lloi i mishrave mbajne shqiperine ne kete gjendje, genjejne vehten, genjehen me njeri-tjetrin se jane intelektuale, kjo kategori ka 55 vjete qe shqiperine e mbane ne vend te fundit, kujtojne se i lexon njeri pervec 200 metrave katrore, japin opinione per boten nuk rregullojne dote punet e tyre, apo nuk lidhin dote breket e tyre, emrat qe duan ti gezojne vine nga diktatura dhe mendjen aty e kane, harroini o shoke tani po vjene kohe e djeve e vajzave te shkolluara ne shekullin e 21 dhe jo te klanit misha qe i perkasin te shkuares. | |
| otodoksi, korce | |
| Postuar më: 2010-04-11 09:08 | |
| Urime Shoku im LAB.Na ke harruarr far.na mbeten syte rrugeve te jetes se mos perballemi diku.Urime per shkrimin. Thellesia e mendimit dhe e arsyetimit si dhe forca e argumentit ska se ku tebashkohen me mire se ne fjalen tende. | |
| Ranger, Shqiperia e bashk | |
| Postuar më: 2010-03-29 11:13 | |
| Turkofobia ose më mirë islamofobia e Z. Misha nuk eshte diçka personale e tij por nje karakteristike e klanit ne emer te te cilit ai vazhdimisht ngre zerin. Shkrimi me lart m´u duk shum i goditur. Urime autorit. Persa i perket komentatoreve kunder, do t´i keshilloja qe te ngrinin zerin dhe per botimet skandaloze, te klanit qe Misha përfaqëson, të shpërndara ne shkollat fillore te Shqipërise, që turbullojne mendjet e femijeve e te mesuesve me idete perverse të homoseksualizmit e pedofilise. | |
| Nadiri, Tiranë | |
| Postuar më: 2010-03-27 10:10 | |
| Per Brunon: Eshte vertet fatkeqesi, qe 97 perqind e njerezve ne bote mendojne se lufta ne Irak u be per nafte. Para se te niste lufta, Sadami i tha Bushit te vinte e te merrte nafte sa te donte (forme orientale kjo te shprehuri e problemit). Pra nafta nuk ishte e ndaluar as per Ameriken e as per Europen. Prapa hyrjes ne Irak luhen filma me te medhenj, qe kane te bejne me zonat e influences, jo vetem midis superfuqive, por edhe vendeve te tjera. Problemi i naftes perfshin disa dhjetra (e shumta disa qindra) miliarda dollare ne llogari, ndersa problemet ekonomike qe fshihen pas termit "zona influence" perfshin miliarda bilione dollare, pra shum e shum me teper. Behet fjale per shekullin e 21 sic tha Klintoni. (te vjen keq kur shikon se bota po peson keto dekada te fundit nje regres ne mendim, pasojat e te ciles i vuajme te gjithe) | |
| nje njeri, tirona | |
| Postuar më: 2010-03-21 00:54 | |
| Urim, ne radhe te pare duhet te jesh i sigurt per permbajtjen e komentit tend nese bie apo jo ndesh me rregullat; por dua te shtoj edhe dicka: ndonjehere (shume shume shume rralle) ka patur raste qe disa komente mgjthse vijne per nje shkrim, jane publikuar poshte nje tjeter shkrimi, qe kemi te bejme me nje problem teknik, por kurrsesi censure. gazeta eshte e hapur per mendimet konstruktive ndryshe. fakti i publikimit te komentit tend dhe i shume te tjereve megjthse kritike e akuzues, si dhe pergjigja ndaj tyre, eshte argument. respekte, redaksia. | |
| redaksia, tr | |
| Postuar më: 2010-03-21 00:43 | |
| E nderuar redaksi e gazetes START. Kam dhane komente etj. nen autocensure pra, brenda kufizimeve qe ju paracaktoni por megjithate jam censuruar!? Kjo mesa shof eshte bere dhe me komentues cilesore si Hyseni-Fier, Albani-Milano etj. Neqofte keshtu, kemi te bejme me regres mediatik i cili tashpertash kryesohet nga ju. Publikoni kete koment dhe deklarohuni, qe te mendoj ndryshe. -UrimiKukes@live.com- | |
| Urimi, Kukes | |
| Postuar më: 2010-03-20 12:34 | |
| I nderuar shqiptar nga Ohri i bukur. mbi kutizen e komenteve ka nje sqarim qe thekson se komentet me karakter ofendues, antikombetar e antifetar nuk do te publikohen. nese te eshte refuzuar publikimi i komentit sigurisht qe ka shkelur ndonjeren nga pikat e mesiperme. gazeta nuk ka aplikuar dhe nuk do te aplikoje kurre standarde te dyfishta ne publikimin e komenteve apo censurimin e tyre. me kete rast, u lutem te gjithe komentuesve qe debatet te jene mbi artikullin dhe idete e tij, jo mbi artikullshkruesin dhe artikullkomentuesit si persona. faleminderit per mirekuptimin. | |
| redaksia, tr | |
| Postuar më: 2010-03-13 20:37 | |
| Po ne fund te fundit cte keqe ka qe Turqia te kete tendenca apo shpirt ottomanizmi?! Pse mos valle keto superfuqite e sotme jane te ndershme? Si psh. per cfare vajti Amerika ne Irak? Per te rrezuar sadamin apo per NAFTE? Kete e di dhe bufi... | |
| bruno, londer | |
| Postuar më: 2010-03-13 18:53 | |
| I dashur shqiptar nga ohri, une vetem shkruaj artikullin dhe nuk jam pergjegjes per miratimin e mesazheve. por jam i sigurt qe redaktoret e startit jane te paanshem dhe te kujdesshem ne punen e tyre. | |
| hito, nivice | |
| Postuar më: 2010-03-13 10:31 | |
| Zoteri hito,dhe redaksise perse nuk me kthyet pergjigje por nga njera ane dhate pelqimin se u pranua,replika ime pastaj,nuk keni kurajen ta shkruani,apo ketu tek start aplikohet me dy standarte.ne se eshte keshtu per turp ta keni,une kishnja tjeter konsiderate per startin.une replikova me ju dhe shovinistet maqedonas-zyrtare.ky eshte atdhetarizmi yt neo-otoman,zoteri hito,por nuk me kishte vajtur mendja se ne 2010 kemi akoma te ashtuquajtura gazeta çensuruese hito,kjo tregon shterpesi,ndaj ju bej thirje ta botoni,pasi e miratuat ne koment,por aty nuk eshte. | |
| shqiptari nga ohri i bukur, tirane | |
| Postuar më: 2010-03-08 09:03 | |
| Nje keshille per njonin e tiranes: Ti lexoje njehere shkrimin e Mishes qe ti shohesh te dyja anet e medaljes,pastaj gjyko nese eshte simpati apo eshte replike. | |
| labja, diku | |
| Postuar më: 2010-03-06 18:19 | |
| Lidhur me disa komentatore si Urimi nga Kukesi dhe njenjeri nga Tirona them se jane gabim. Nga menyra e komentimit duket qe jane me nivel (kjo s´do me thene se une jam prof t´i vleresoj), por desha te them se komentet e tyre brumezojne si nje shumice komentimesh te tjera ne kete faqe. Por nese verrejne ndonje simpati per Tr ne kete shkrim, kjo kurrsesi nuk mund te perkthehet ne anshmeri ne gjykim nga ana e autorit. Nese ne komentet e Urimit dhe Nje njeri do te shikoja qe ne fillim do te denonin shkrimin e Mishes atehere do t´i kuptoja, por kjo s´ka ndodhur. Nese gjykojne shkrimin e Hitos per njeanshmeri shkrimi i Mishes eshte njemije here i tille, dhe praktikisht kjo eshte qe Hito denon. | |
| Ardi, Vore | |
| Postuar më: 2010-03-06 11:06 | |
| Edhe nje here (meqe komenti im paska humbur rruges). I nderuar Hito Labi, nuk e kam lexuar artikullin e Pirro Mishes dhe as deklaratat (apo librat) e Davologlut. Nuk prekem as nga pikpamjet e te tjereve qe nuk puqen me pikpamjet e mia, (ne kete bote nuk do jene te gjithe ne nje mendje, larg qofte), por ne rastin e Turqise do te thoja shkurt: ky vend ka problemet e veta, probleme madhore, megjithe perparimet qe ka. Ndaj me duket se Shqiperiza nuk ka nevoje te valvitet si bisht i politikes turke. Turqit i kane dyert tona te hapura per investime, e biles me shume se kushdo. Nese duam te prezantojm idete turke, le te tregojme me pare problemet qe ka ai vend i madh, e t´ua themi ne sy, pastaj ti lejojme vetes perzierjen ne zhurmen e tyre. I nderuar Hito Labi, llogjika nuk ka perse te perzihet me simpatite, sepse pervoja ka treguar ku te con kjo. | |
| nje njeri, tirona | |
| Postuar më: 2010-03-03 10:41 | |
| Kastriot me kete ironi e ke thumbuar Mishen me shume se gjithe komentet. | |
| Eni, Tepelene | |
| Postuar më: 2010-03-02 22:09 | |
| Me vjen mire qe paskam pasur TE DREJTE. | |
| Hasani, Itali | |
| Postuar më: 2010-03-02 14:17 | |
| Pasi lexova shkrimin e Mishes, lexova kete shkrim. Misha ka te drejte se s´besoj se Pirroja ka lexuar ose shikuar aspiratat e Turqise. Ai eshte akoma ne kohen e Osmaneve, ne kohen e shpatave. Ka shume te drejte... | |
| Kastriot, Peshkopi | |
| Postuar më: 2010-03-02 13:56 | |
| O Hasan, ti s´paske menyre konceptimi, ti mbyllke syte dhe i hap veshet. More i dashur, po nuk lexohet me veshe. S´e di? Duhet t´a kishe mesuar | |
| KCD, TiR | |
| Postuar më: 2010-03-01 10:12 | |
| Mbasi lexova kete artikull mu ngjall interesi per te lexuar dhe shkrimin e Z.Misha. Kur bera nje kerkim ne google per kete shkrim vura re se pak a shume te gjitha gazetat kryesore e kishin publikuar. Kjo me shtoi akoma me shume interesin per permbajtren e tij. U mundova t´a lexoj pa ndonje paragjykim, vecse ishte e pamundur te qendroje asnjeanesh nderkohe qe autori disa supozime i kishte te pabaza dhe shume larg te vertetes. Me pas fillova te shtroj pyetjet: Kush eshte Z. Misha? Cfare interesash mbron? Me mbeshtetjen e kujt u publikua ky artikull ne te gjitha gazetat? Kush perfitonte me shume nga ky artikull? Etj, et... Sa me shume pyetje i shtrova vetvetes aq me te pakenaqshme ishin pergjigjet qe merja. Nuk dua te zgjatem por i ftoj gjithe lexuesit e kesaj gazete dhe te gjithe popullin tone qe te filloje te shohe se cfare luhet mbrapa skene, dhe jo ne fasadat provokuese te servirur per te. | |
| Edlir, Elbasan | |
| Postuar më: 2010-02-28 19:13 | |
| Jurgen ok! | |
| Urimi, Kukes | |
| Postuar më: 2010-02-28 13:49 | |
| Une dhashe vetem nje keshille per shkrimet e hasanit dhe nje verejtje per shkrimin tend ndersa ti plot 4 te tilla vetem per nje shkrim prej 4 rreshtash,te pergezoj urim(sinqerisht pa asnje sens ironie). 1 shpresoj qe keto keshilla te mos jene si pasoje e verejtjese sime(sepse nuk jam i vetmi qe nuk kam shprehur bindjet e mia),sidoqofte, ke te drejt, po ca te bejme kur sheh se ne komente shprehet vetem ajo qe na pelqen dhe jo ajo cfare duhet.2 E VERTETA nuk ka te bej vetem me kete debat por dua te shpreh dicka me te gjere me SUBLIM.3 kur shpreh fobi per nje popull nuk besoj se mendon dikush vetem mungesen e simpatise.4 aty shkruhet "mendoj" pra them se je gjendur prane Mishes si pasoje e "mungeses se simpatise" sepse dy kundershtimet e z.Labi jane mese logjike:pozicionet e Ankarasë nuk “ndryshojnë dukshëm nga ato të Perëndimit” dhe vizioni i Davutoglu dhe Erdogan është një Turqi anëtare e BE keshtu qe të pretendohet që Turqia po servir neo-otomanizmin si alternativë ndaj Perëndimit në Ballkan është, mender jush dhe duke perifrazuar Faik Bej Konicën, gomarllëk. | |
| jurgen, tirane | |
| Postuar më: 2010-02-28 01:17 | |
| Jurgen 1. Shpreh bindjet tuaja para se te keshillosh te tjeret. 2. E "VERTETA" jote (ne koment) me germa kapitale s´ka kuptim. Ajo nuk eshte monopol i askujt. 3. Turkofobine e perdora ne kuptimin e mungeses se ndonji simpatie te vecante per turqit. Nese per ty eshte ndryshe, kjo vlen per ty por jo per mua. 4. Kllapa e fundit e komentit tand, perseriten opinionin tim te shprehur. Pse e persertini ate? | |
| Urimi, Kukes | |
| Postuar më: 2010-02-27 23:00 | |
| Heshtja juaj hasan tregon se me te vertete ne itali ke frike te thuash jam shqiptar. nuk dua te debatoj me ju po ju keshilloj(nese pranoni) t´i analizoni me qetesisht shkrimet dhe te pranoni te VERTETEN. Sa per ju urim nuk eshte mire te kesh fobi per asnje popull sepse kur keni paragjykime nuk mund te vleresoni sakte(pra mendoj se ju ishit me Mishen akoma pa lexuar artikullin e tij). | |
| jurgen, tirane | |
| Postuar më: 2010-02-27 04:29 | |
| Bravo Hason, tani a ta bej une nje kontroll drejteshkrimor te komenteve te tua apo do ta besh vete? Sepse shoku duhet te shkruash pa gabime vete qe te te linde e drejta te korrigjosh hartime online. Ik futi ndonje tas kos me mire dhe mos jep leksione gjuhe ketu zemra. | |
| Arjet, US | |
| Postuar më: 2010-02-26 20:16 | |
| Z. Hito, u bone sebep per me lexu artikullin e Piro Mishes. Por, une s´gjeta gje per tu alarmuar ne te. Perkundrazi, jam ma prane atij se ndaj teje per kete teme. Ndoshta se anoj ne "turkofob". - z. Hasan jeni me vlera por ndonji percaktim e keni te pasakte ne koment. S´mund te ulet a te diskutohet kurrsesi shqipja e paster dhe e kandeshme e Hito Labit. Argumentet dhe faktet qe perdor ne analiza jane te spikatuna dhe te sakta, ne harmoni me idete qe shtjellon. Kjo e ben ate te pelqyeshem edhe kur s´je dakort me te. Edhe "labja" komenton kthjellet e me nivel sa, i ben nder origjines se saj. | |
| Urimi, Kukes | |
| Postuar më: 2010-02-26 18:22 | |
| Bravo Labi.Me te vertete nje shkrım shume ı mıre. Persa ı perket Hasanıt vari lesht ati se dallon qarte qe ka marre persiper te luaje rolın sı "Lapsi i Jabanxhiut". Dıkush qe ka jetuar ne Turqı e dı shume mıre se ne ate vend mund te thuash plot krenarı dhe me goje plot,JAM SHQIPTARE. Ndersa atje ne Italıne e duçes, ai Coni duhet ta dıje shume mıre, se me shume mundesı edhe vete aı eshte perballur kur prezantohet dhe thote se jam SHQIPTARE konsıderohet sı njerı ı klasıt te 3. | |
| Filoni..., Tirona | |
| Postuar më: 2010-02-26 16:18 | |
| Labi urime dhe njehere per stilin e vecante te shkrimit, te pasur ne gjuhe dhe me fakte. Sa per Hasonin nga italia nuk besoj ta kete lexuar shkrimin ketu, thjesht shkruan per ate qe paguhet; te zhgarravise neper forume e grupe per te ngaterruar kekun me byrekun, qe ne kete rast e ka bere sh mire duke folur pa pike lidhjeje... Urime dhe njehere dhe nuk ju falet qe shkruani kaq rralle Hito :) | |
| bosi, Usa | |
| Postuar më: 2010-02-26 15:51 | |
| I dashur hasan, nuk ka nevoje te kesh jetuar ne turqi per te pasur njohuri mbi doktrinen e "thellesise strategjike" te davutoglu, ashtu si nuk ka nevoje te kesh jetuar ne ameriken e viteve 60-70 per te pasur njohur mbi doktrinen "kisinger". gjithashtu, per te lehtesuar kuptimin e shkrimit nga ana jote, here tjeter do te shkruaj me fjali 5-6 fjaleshe, te shkurtra dhe te drejtperdrejta, duke shpresuar qe kjo ti sjelle startit shtresen e lexuesve qe lakmohet me shume nga cdo gazete, pra nxenesit e ciklit te ulet ne shkollat 8-vjecare. sinqerisht, mua me pelqen te angazhohem me lexuesit ne diskutime mbi permbajtjen e shkrimit, por kjo eshte e veshtire kur komentet jane mbi personin dhe jo mbi idete. pa respekt, | |
| hito, nivice, kurvelesh | |
| Postuar më: 2010-02-26 10:55 | |
| Pikerisht ate po perpiqesha te thoja dhe une cane!qe te ngrenet ne mes te sheshit mua nuk me pelqen........ta theksova dhe ta RİTHEKSOJ : Nuk kam asnje ndjenje te veçante per turqit(bile ne shumicen e rasteve me acarojne),jam myslimane dhe nuk e mohoj dhe nuk jam mburrur kurre per aftesite e mia si penetare.Po ti po me dukesh goxha prepotent dhe i paedukate.Tani per argumentin a kishe gje per te thene????????? | |
| labja, diku | |
| Postuar më: 2010-02-26 10:22 | |
| Mendoj se, meqenese labi dhe sefundmi labikja po na tregojne se paskan jetuar ne Turqi dhe e njihkan mire situanten andej,do te ishte mire te njihnin edhe situaten ne Shqiperi. Besoj se te qenurit musliman nuk ka te beje fare me te ngrenit iftar ne mes te sheshit apo tundjes se flamurit turk ne mes te sheshit; pikerisht ky eshte problemi juaj, ngaterroni kekun me byrekun. Te jesh musliman nuk do te thote te jesh turk. Por, duke qene se penetaret tane qe nuk dine te shkruajne as gjuhen shqipe, marrin mundimin te na japin dhe mend duke na treguar se kush eshte zoti Misha, them se ketu qendron dobesia e profesionit te tyre si kalemxhi. Me sa po shoh ne shkolla i paskan mesuar me shume te vjellin kafshaten e corbes prishur sesa te vleresojne personalitetin e njerezve dhe vlerat e tyre, edhe nese keta te fundit bien ne disgracian e islamofobise. Te flasesh per "casum" si ky i fundit nuk do te thote te jesh shqiptar apo turk; mua nuk me intereson fare ky drejtim i diskutimit,mua me intereson fakti qe keta "leberit" qe shkruajne me pseudonime dhe me figura false, nuk paskan gjak labi,por do jene andej nga Myzeqeja, ku burri nuk thumbohet nga thumbi po nga mushkonja. Ketyre te fundit do ti thoja qe mushkonja e Myzeqese eshte me e keqe se ajo puna e kaut me pelen. Se fundi do ti thoja "cosa vostra-s" se miresia e te qenurit shqiptar (musliman ose jomusliman),nuk mund te denohet nga nje dore turkofilesh si puna e ketyre leberve. Edhe dicka, sa per Davutoglune, kam respekt se mendimet e tij i ka shprehur hapur edhe me pare ne librin e tij dhe s´kam pse te komentoje mbi kete fakt, por do ti thoja atyre qe nuk e kuptojne politiken e jashtme ose diplomacine se shqiptaret nuk jane me nen sundimin turko-osman,per kete fakt te qenurit musliman eshte privilegj, ashtu sic eshte te qenurit "musliman shqiptar". | |
| Hasani, Itali | |
| Postuar më: 2010-02-26 10:22 | |
| Hasano, me duket se me shume fjalet e tuja te drejtohen ty. E para je jashte realitetit shqiptar se duhet ta kuptosh qe Misha nje nga personat me te njeanshem publik qe une njoh dhe qe vjen menjehere pas Maks Velos. Dhe e dyta nese ky Hito Labi eshte ai qe njoh une, eshte me PhD(nese e kupton se ca do me thene) ne ekonomi ne nje nga universitete me prestigjoze ne Amerike. | |
| Ardi, Vore | |
| Postuar më: 2010-02-26 08:55 | |
| Do t´ju lutesha te mos kalojme ne raporte personale mbi z.Misha ose Labin se e bastardojme shume biseden dhe largohemi nga fillesa.Gjithsekush ka te drejte te shprehe opinione po lerini definicionet per njerezit se nuk njohim nga afer as njerin,as tjetrin.Mos na ktheni ne komunizem qe u mbyllej goja njerezve me ´´kulak´´ ´´revizionist´´ e ku di une.......sa per ´´turkofiline´´ qe thote Canja ja ka fut kot.Cane, ty s´te di ç´mall je po une jam shume shqiptare!!! | |
| labja, diku | |
| Postuar më: 2010-02-25 21:07 | |
| Shkrimi eshte shume i sakt!Por jame i mendimit qe autori i ka dhen vler Piro M.Duke ju kunderpergjigjur!Piro M. eshtre ne ata njerez qe dine te nxjerin vrer pa mase!nejse urime por te sugjeroi qe te mos i pergjigjesh cdo badakciu qe nxjer vrer per cdo gje qe si pelqen... | |
| albani, tirane | |
| Postuar më: 2010-02-25 18:55 | |
| O Hasano mire e ben qe ke mendimin tat per kete teme po me duket se je nxitu pak per te dhene mendime mbi njohurite ne gjuhe letrare te Labit.Ke paragjykuar dhe je perpjekur te kalosh te vertetat duke u marre me 4 vjet te labit..ketu po bohet llaf per teza dhe hipoteza.a do na thush gje ne at drejtim apo si kau peles? | |
| landi, tr | |
| Postuar më: 2010-02-25 17:03 | |
| Kam bindjen e sigurt se reagimi i z.Misha kater muaj pas deklarates se ministrit te jashtem turk Davutoglu ne Sarajeve vjen nga nje akumulim i perhershem i tij si osmano-turko-islamofob. z. misha ne te gjitha shkrimet, publikimet dhe qendrimet e tij mbron tezen se e kaluara jone nen perendorine osmane, konvertimi i shiqptareve ne myslimane eshte nena e te gjitha te keqijave, arsyeja kryesore se perse evropa nuk na do eccc. shkurt pallavra: flet per demokraci, multikulturalizem dhe eshte thjesht nje ksenofob. persa i perket shkrimit te z. labi, mendoj se qendron ne shume pika dhe fakti (mesa duket) qe ka studiuar ne turqi, i mundeson ta njohe dhe ti ndjeke nga shume afer debatet dhe zhvillimet e ndryshme politiko-ekonomike atje. turqia kohet e fundit e ka rritur shume ndikimin e saj ekonomik dhe politik ne rajon e me gjere , duke aspiruar te behet (me te drejte) aktor global dhe sigurisht qe per kete ka per te luajtur te gjitha kartat e saj. nese Anglia perdor sot Komunuelthin, Franca lidhjet frankofone, eshte mese legjitime qe edhe turia te perdore lidhjet e saj disashekullore per ndikim; por kjo ska te beje aspka me ringjalljen e nje perandorie ne shek. XXI. keto endrra i sheh vetem z. Misha me z. Xhaferi. persa i perket Hasanit nga Italia.. tregon nivelin e tij duke komentuar me fjalor teper diletant nje analist te kualifikuar si z. Labi. nese Labi ka jetuar ne turqi (keshtu besoj) e kane mirepritur si shqiptar dhe e kane respektuar, ndersa Hasani kam frike se ne shume vende ndrydhet te thote se eshte shqiptar apo me origjine myslimane (nese emri i vertete eshte hasan), gje qe tregon se sa raciste eshte avropi... | |
| adi, tr | |
| Postuar më: 2010-02-25 10:57 | |
| Mendoj se, ky labi qe paska shkruar nuk e njihka mire gjuhen shqipe, sepse e shoh qe nuk di te shkruaj. Si rrjedhoje them se edhe nuk e kupton ate cfare shkruajne te tjeret. Z. Misha ka folur mbi fakte reale per nje konference ne te cilen Z. Davutoglu ka mbajtur nje referate. Por, meqe labi nuk kupton gjuhen letrare, ska si te kuptoje as tekstin dhe as kontekstin. Me vjen keq qe materiale te tilla botohen ne faqe serioze si kjo e juaja. Me sa shoh qenkeni bere nje dore turkofilesh, te cilet pas nje katervjecari te harxhuar ne Turqi, prej te ciles nuk keni mesuar gje, ktheheni dhe turfulloni gjith mllef per personalitete te ndryshme. Them se labi qe ka shkruar kete shkrim duhet te marre nje kurs te gjuhes shqipe ku te kuptoje kontekstin e fjaleve dhe nenkontekstin e tyre, sidomos edhe te ngjarjeve. | |
| Hasani, Itali | |
| Postuar më: 2010-02-25 09:55 | |
| Nje shkrim,perveç anes publicistike, e bejne te bukur dhe terheqes ´´FAKTET E VERTETA´´.Kur lexova artikullin e z.Misha gjeja e pare qe me erdhi ndermend ishte :Ne shqiptaret nga vete natyra mund te shkojme ne iftar,te hame,te gezohemi por mos ta veme re absolutisht se çfare flamujsh ka pasur sheshi(gje qe gjithsesi e konsideroj shume te gabuar)Dhe e dyta qe mendova qe :Ne shqiptareve mund te na shkollojne me burse,mund edhe te na gjejne vende pune(qe s´me duket e gabuar),por ne perdorim ato qe na hyjne ne pune dhe prej bursave nuk ndryshojme fe,qendrim ose mendim (kjo eshte katerciperisht e provueshme).Sepse po te ishte keshtu ne shekullin e 21 nuk do kishin mbetur me shqiptare qe flasin shqip!Turqia ashtu si e ka thene z.Hito ka shume me teper investime ne Rusi sesa ne Shqiperi dhe keto kohe e ka mjaft te veshtire te menaxhoje situaten politike perzier me krizen globale dhe pasqyrimin e saj ne nje vend 70 milionsh.Besoj qe eshte teresisht e vetedijshme qe perveç te kalures se perbashket,e vetmje gje qe na lidh tani jane ndjenjat e gjitonerise.Shumica duhet ta kene provuar ndjesine e te qenit shqiptar ne Turqi dhe ne Ä°tali.Nuk eshte pak ta thuash pa u trembur :Jam shqiptar. | |
| labja, diku | |
| Postuar më: 2010-02-25 09:01 | |
| Me kete shkrim i vihet shkelmi shkrimeve thellesisht te njeaneshme te tipit Misha. | |
| Eni, Tepelene | |
| Sqarim: Njoftojmë të gjithë lexuesit tanë se komentet të cilat
përmbajnë fjalor ofendues, antikombëtar, antifetar, përçarës NUK DO TË PUBLIKOHEN!!! | ||
| [ktheu mbrapa] | ||
| Fillimi | << | 1 | >> | Fundi |
E Enjte, 09 Shtator 2010
analistët
moti
Tiranë
Shkodër
Vlorë
Prishtinë
Shkup
këmbimi valutor
€ EUR
137.1
0.8$ USD
108.1
1.4£ GBP
166.7
0.9nga Banka e Shqipërisë
09/09/2010
Më Të Lexuarat e Ditës
Më Të Lexuarat e Javës
[ Stafi | Homepage | Kontakt | Politika e Botimit ] [ Powered by: Orihost.com ]
Copyright 2009 © GazetaStart.com - Të Gjitha Të Drejtat e Rezervuara.
Copyright 2009 © GazetaStart.com - Të Gjitha Të Drejtat e Rezervuara.