Gazeta Start - Parlamenti grek voton ligjin për emigrantët
facebook
twitter
rss
E Martë,   28 Prill 2015
Parlamenti grek voton ligjin për emigrantët
2014.03.19 - 13:31   
 
Parlamenti grek ka votuar në parim kuadrin e ri ligjor për emigrantët e ligjshëm, gjatë një seance plenare mes debatesh të forta mes partive që ishin pro dhe kundër këtij ligji.  

Pro legjislacionit të ri, që do të quhet Kodi i Emigracionit, votuan deputetët e Demokracisë së Re, të PASOK-ut, të së Majtës Demokratike, si dhe grupi i deputetëve të pavarur. Ndërsa partia komuniste, Agimi i Artë dhe Grekët e Pavarur, votuan kundër.

Partia më e madhe opozitare, SYRIZA abstenoi, pasi më parë e kishte cilësuar si pozitive përpjekjen, por duke theksuar se është e pamjaftueshme.

Duke prezantuar Kodin para deputetëve, ministri i Punëve të Brendshme, Leonidas Grigorakos, deklaroi se me kuadrin e ri ligjor të emigracionit, unifikohen 20 ligje ekzistuese dhe 6 dekrete presidenciale, si dhe 42 akte.

Ai veçoi si risi faktin se me vënien në zbatim të kodit të ri, u hapet rruga mijëra emigrantëve të cilët kanë mbetur pa punë për shkak të krizës, të kërkojnë punësimin në vende të tjera të Bashkimit Europian.

Kodi i ri konfirmon edhe shfuqizimin e dispozitave të mëparshme që lehtësonin marrjen e nënshtetësisë nga fëmijët e emigrantëve. Tashmë ata do të kenë mundësinë që të aplikojnë për nënshtetësinë vetëm pasi të kenë mbushur moshën 18 vjeç.

Sipas të dhënave që paraqiti në parlament ministri grek i punëve të brendshme, në Greqi ka 473.424 emigrantë të ligjshëm, që disponojnë aktualisht leje të rregullt qëndrimi.

/Start/



Postuar m: 2014-03-20 16:35
nuk e besoj edhe kur ta shoh,,na lodhen.
bujar muco , athine
     
  Komento kete Lajm!   
  Emri*   
  Qyteti   
  Permbajtja e komentit*   
  Kodi*     
 
Sqarim: Njoftojme te gjithe lexuesit tane se komentet te cilat permbajne fjalor ofendues, antikombetar, antifetar, percares NUK DO TE PUBLIKOHEN!!!
     
Lajme të ndryshme
Reali mendon ta blejë përfundimisht Hernandezin
Kujdes! Edhe majmunët rebelohet (Video)
“Lumia” shton në buxhetin e Microsoftit 1.4 milionë dollarë
Aloe vera, bima e shëndetit
Lidhja e mrekullueshme mes nënës dhe fëmijës
Nëna
Kukësi shkarkon Shaqirin
Kur zebrat dalin ‘shëtitje’ shkaktojnë kaos (Foto/Video)
Modiano: Harresa. E shkuara? Është vendi i krimit
Op / Ed
Lajmi i fundit
 Forum
Ti je një thesar! Ti je vetë një thesar! Nuk ke nevojë ta thotë dikush apo të të vlerësojë dikush tjetër. Nëse thesari yt është mbuluar me pluhur merr një leckë të butë dhe pastroje, fshije mirë dhe shkëlqeje. »»
 Eseistikë
Revolucioni dhe religjioni Në një mënyrë a në një tjetër, historia ka treguar se nuk mund të arrihet një ndryshim i qenësishëm në rrafshin individual dhe sidomos në atë shoqëror pa një trajtë revolucioni apo religjioni, pavarës »»
 Dossier
Terenc Toçi dhe qeveria e përkohshme shqiptare e 26 prillit 1911 Terenc Toçi ishte dhe mbetet një nga personalitetet më të njohur shqiptarë të arbëreshëve të Italisë. Ai u lind më 9 mars 1880 në një provincë të Kozencës. Që në moshë të re, Terenc Toçi u aktivizua n »»

 

[ Stafi | Kreu | Kontakti | Politika e Botimit ]
Copyright 2006-2014 © GazetaStart.com - Të Gjitha Të Drejtat e Rezervuara.